Areru 99:1-9
99 E a riki Iehova bwa te Uea.+ Ke a rurubenebene botannaomata.
E tekateka n te kaintokanuea i etaia* kerubim.*+ Ke e mwainging te aonnaba.
2 E kakannato Iehova i Tion,Ao e rietata i aoia botannaomata ni kabane.+
3 Ke a karaoiroa aram ae kakannato+Bwa e kamimi ma ni kakamaaku ao e tabu.
4 Bon te uea ae korakora ae tangira te kaetitaeka ae riai.+
Ko kateimatoa te bwai ae eti.
Ao ko karokoa te kaetitaeka ae riai ma te raoiroi+ i buakoia tibun Iakoba.
5 Karietataa Iehova ae Atuara+ ao bobaraaki* i rarikin nangoani waena.+
E tabu.+
6 A mena Mote ma Aaron i buakoia ana ibonga,*+Ao e mena Tamuera i buakoia ake a taboa arana.+
A na wetea Iehova,Ao ane e na kaekaia.+
7 E na taetae nakoia man te boua ae te nang.+
Ao a kawakin ana kauring ma ana tua ake e angania.+
8 Ko kaekaia, ngkoe ae Iehova ae Atuara.+
Boni ngkoe te Atua are ko kabwarai aia bure.+
Ma ko katuuaaeia* ibukin aia mwakuri aika bure.+
9 Karietataa Iehova ae Atuara,+Ao bobaraaki* i matan ana maunga ae tabu,+Bwa e tabu Iehova ae Atuara.+
Taiani Kabwarabwara Mai Nano
^ Ke tao, “i marenaia.”
^ Nora Nanon Taeka.
^ Ke, “taromauri.”
^ Nora Nanon Taeka.
^ Ebera, “irantanga ni karekei kaia.”
^ Ke, “taromauri.”
