Tekaria 10:1-12
10 “Bubutiia Iehova te karau n tain te karau are n tain te abue.
Bon Iehova ae karaoi nangin te buaka,Ae kabwakaa te karau ibukia aomata,+Ao e anga arokan te tawaana nakoia aomata nako.
2 Bwa a taetae ni mwamwanaa te aba* bouannanti aika terebim,*Ao a nori miitara aika kewe taani kaiwa.
A taekini mii aika akea manenaia,Ao a kataia ni kabebetea te nano ma a matebuaka.
Anne bukina ae a na tiotionako iai n aroia tiibu.
A na karawawataaki, bwa akea te tia kawakintiibu.
3 E urarake uniu irouia taani kawakintiibuAo N na kaetii taekaia taani kairiri* aika karawawataa te aba.
Bwa e a manga mutiakinia ana nanai Iehova+ ae Atuaia taanga ni buaka,* aika tibun Iuta,Ao e karaoiia bwa ai aron ana aoti ae korakora n te boo ni buaka.
4 E roko mairouna te mataniwi,*Ao e roko mairouna te tia tautaeka* ae te tia boutoka.
E roko mairouna te kainikatebe ni buaka,Ao a bane n ikotaki n otinako mairouna mataniwi* nako.
5 Ao a na riki bwa ai aroia taani buaka,N toutoui bokabokan taiani kawai n te boo ni buaka.
A na buaka bwa e memena Iehova irouia,+Ao a na kamaamaeaki taan toka i aoia aoti.+
6 N na karekea kakannatoia tibun Iuta,Ao N na kamaiuia tibun Ioteba.+
N na manga kaokiiaBwa N na nanoangaiia.+
Ao a na riki bwa kaanga ai aron ae I tuai mani kaaki taekaia,+Bwa bon Iehova ngai ae Atuaia, ao N na kaekaia.
7 A na riki tibun Eberaim bwa ai aron te tia buaka ae korakora,Ao a na kakatonga nanoia n aron ae kaanga ibukin te wain.+
A na nora te baei natiia ao a na kakatonga.
A na kimwareirei nanoia iroun Iehova.+
8 ‘N na katiitii ibukia ao n ikotiia ni kabane.
Bwa N na manga kabooia,+ ao a na kamwaitaki,Ao a na teimatoa ni kamwaitaki.
9 E ngae ngke I kamaenakoia i buakoia botannaomata n aron te koraa,Ma a na uringai n taabo aika raroa,Ao a na manga oki korakoraia ma natiia ao a na oki.
10 N na kaokiia man te aba are AikubitaAo n ikotiia mai Aturia.+
N na kairiia nakon te aba ae Kireata+ ao Rebanon,Kioina ngkai e a aki manga reke nneia ae mwaawa.+
11 E na rinanon taari ma te rawawata,Ao e na orei naao i taari,+Ao e na kabwatakatakai taabo aika nano ni kabane n te Naire.
E na karuoaki i nano nanorietan Aturia,Ao e na nako te oko n uea are mai Aikubita.+
12 N na karekea kakannatoia iroun Iehova,+Ao a na nakonako n arana,’+ bon ana taeka Iehova.”
Taiani Kabwarabwara Mai Nano
^ Ke, “a taekini baika irekereke ma te tabunea; te bwai ae kamimi.”
^ Ke, “atuaia kaain te utu; bouannanti.”
^ Ebera, “kooti mwaane.”
^ Ke, “Tabaota.” Nora Nanon Taeka.
^ Ebera, “te taua are n te maninganinga,” ae tei ibukin te aomata ae rangi ni kakawaki ke ni kakannato; te mataniwi.
^ Ebera, “te kai ibukini katineani bwaai,” ae tei ibukin te aomata ae te tia boutoka; te tia tautaeka.
^ Ke, “naake a kammwakuriia aomata.”
