Te Taeka Nakoia Kaaro

Tera te bwaintangira ae te kabanea n tamaroa ae ko kona n angania natim? A rangi ni bati bwaai aika a kainnanoi, ae irekereke naba iai am tangira, am kairiri, ao am tararua. Ma ni koauana, ko kona n angania te bwaintangira ae te kabanea ni kakawaki ae te atatai ibukin Iehova ao te koaua ae kuneaki n ana Taeka ae te Baibara. (Ioane 17:⁠3) A kona ni buokaki natim n te atatai anne bwa e na rikirake tangiran Iehova irouia ao ni beku ibukina ma nanoia ni kabane, e ngae ngke a uarereke.​—⁠Mataio 21:16.

A bati kaaro ake a kunea bwa ataei aika uarereke, a kai butimwaei riki reirei aika kimototo ao mwakuri aika kai karaoaki. Mangaia are ti rangi ni kimwareirei ni katauraoa te boki aei ae Reireiau Man te Baibara. A katauraoaki reirei iai ibukin te angareirei n te aro ae bebete. A katauraoaki taamnei iai ma taekaia, riki ibukia ataei aika tenua aia ririki rikaaki. Iai naba i nanona iango ibukini baika ko na karaoi ma natim. Tiaki aia bwai n takaakaro ataei te boki aei ae Reireiau Man te Baibara, ma e a tia ni katauraoaki ibukim bwa ko na wareware iai ma natim, bwa e aonga n rikirake reitakimi.

Ti kakoauaa raoi bwa e na rangi n ibuobuoki nakoim te boki aei ngkai ko reireinia natim te koaua man te Baibara, ‘mangkai a merimeri.’​—2 Timoteo 3:​14, 15.

Tarimi,

Te Rabwata n Tautaeka Ibukia Ana Tia Kakoaua Iehova