KAREKEIA TAAN RIMWINI KRISTO
REIREI 11
Angareirei n te Aro ae Bebete
Te boto n reirei: “Kabongana te taetaenikawai ae kai ataaki nanona.”—1Kor. 14:9.
Te Baere E Karaoia Iesu
1. Mataku n te TAAMNEI, ke wareka Mataio 6:25-27. Imwina ao nori titiraki aikai:
Tera Reireiara Mairoun Iesu?
2. Ngkana ti angareirei n te aro ae bebete, a na ururinga te baere ti angareirei iai aomata ao ti na ringi nanoia.
Kakairi Iroun Iesu
3. Tai kabatiaa te taetaenikawai. N oneani mwin are ko na taekini bwaai ni kabane aika ko atai ibukin te reirei teuana, tii taekina kanoan te kaongora are n te boki are ko reirei iai. Ngkana ko tia n tabeka te titiraki, tataningaa ana kaeka am reirei ma te taotaonakinnano. Ngkana e aki ataa te reke ke e kaota ana iango ae kaaitarai ana reirei te Baibara, tabeki titiraki riki tabeua ni kamataataa te reirei. Ngkana e a ota n te reirei ae kakawaki, nakon are imwina.
4. Buoka am reirei bwa e na kairekerekei reirei aika boou ma baike e a kaman atai. N te katoto, imwain ae ko moana te reirei i aon te mangauti, ko kona ni kauringa teutana te baere e a tia n reiakinna am reirei ibukia maate.
5. Kabonganai raoi kaikonaki. Imwaini kabonganaan te kaikonaki teuana, titirakiniko aei: