ITERA UOUA
“Bon au Tabo ae Tabu ae Kam Kamwaraea”—E a Kabuakakaaki te Taromauri ae Itiaki
TE BOTO N IANGO: A a riki n rangi ni buakaka Iuta ao Ierutarem n te onimaki ao n te aroaro
E tangiriia ao n tabeakinia I-Iteraera Iehova bwa kaanga ana “bwai ae kakawaki.” (TeOti. 19:5, kbn.) Ma a kabooa mwin ana akoi Iehova anne n aroia n taromaurii bouannanti aika kewe n ana tembora Iehova! A urua nanon Iehova ao a karekea kamaamaeana. A aera I-Iteraera ngke a rangi ni buakaka? Tera reireiara man ana taetae ni burabeti Etekiera ibukini kamaunaan Ierutarem? Ao baikara reireiara man aroia I-Iteraera n reitaki ma natannaomata ake i rarikia?
N TE MWAKORO AEI
MWAKORO 5
“Nori Baika Buakaka Aika Riribaaki Aika A Karaoi”
E nori baika kamatauninga Etekiera ae oti iai kamwaraean aia onimaki te natannaomata aei ni kabane.
MWAKORO 6
“E a Roko Ngkai te Toki i Aomi”
E a kamani kaotaki unin Iehova n ekaanako Ierutarem, n ana kaotioti Etekiera ni kaineti ma te taetae ni burabeti.
MWAKORO 7
A “na Ataia Bwa Bon Iehova Ngai” Natannaomata
Natannaomata ake a kabuakakaa aran Iehova, ma ni bwainikirinia ke ni kamwaraeia ana aomata, a na boni kana uaan aia mwakuri. Tera reireiara n reitakin I-Iteraera ma natannaomata aikai?
