ITERA TEUANA
“E Uki Karawa”
TE BOTO N IANGO: Taraan ana tabo Iehova ae karawa
Akea te aomata ae kona n nora te Atua ae moan te mwaaka ae Iehova ao e na teimatoa ni maiu. (TeOti. 33:20) Ma Iehova e angan Etekiera taiani miitara ake a kaota iteran Ana botaki i karawa, aika miitara aika ti aki tii miroaroa iai, ma a kakorakoraa naba nanora ni kakaitau ngkai ti a riki bwa taan taromauria te Atua ae tii temanna ae koaua.
N TE MWAKORO AEI
MWAKORO 3
“I a Nori Miitara Mairoun te Atua”
E a bon rangi n taonakinako Etekiera n ana moani miitara. E rangi ni kakawaki te baere e nanonaki iai, ibukia ana toro te Atua aika kakaonimaki n taai aikai.
MWAKORO 4
Baikara “Baika Maiu Aika [Kaka] Aua Ubuia”?
JE kaotii Iehova nakon Etekiera bwaai n ibuobuoki aika kona n noraki, ake a buokira n ota ni baika koaua aika ti bon aki kona n ota iai.
