TE BWAOKI N REIREI 18A
E Anga te Kauring Iehova Ibukin Rokon te Buaka ae Kakannato
A bati taetae ni burabeti n te Baibara ake a anga te kauring ibukin te buaka ae kakannato ae nang roko, ike e nang kamaunaia iai aomata Iehova ake a kaitaraa ma ana aomata. A karinanaki i nano tii tabeua mai buakon taetae ni burabeti akanne. Nori baika a titeboo ni kauring aikai, ao noria naba ae e kamatoaa Iehova bwa a na boni bane n reke aia tai aomata n ongo ao ni karaoa te bwai teuana.
I ITERAERA RIMOA
ETEKIERA: “‘N na wewetea te kabaang bwa e na [ekaanako Koka] i aon au maunga ni kabane,’ bon ana taeka te Uea ae Moan te Rietata ae Iehova.”—Etek. 38:18-23.
IEREMIA: “E na boni motiki taekaia aomata ni kabane [Iehova]. Ao e na anga akana buakaka nakon te kabaang.”—Ier. 25:31-33.
TANIERA: “E na katea te tautaeka n uea teuana Atuani karawa ae e na . . . urui tautaeka n uea aikai ni kabane ma ni kamaunai.”—Tan. 2:44.
N TE MOAN TIENTURE C.E.
IESU: “E na roko te rawawata ae korakora ae tuai ni kaoti mangke e moani karikaki te aonnaba.”—Mat. 24:21, 22.
BAURO: “Iesu . . . ma ana anera aika mwaaka . . . [a na] karekei kaia te koraki ake a aki ataa te Atua.”—2Tet. 1:6-9.
BETERO: “E na roko ana bong Iehova n ai aron rokon te tia iraa, . . . ao e na kabuekaki te aonnaba ma bwaina nako.”—2Bet. 3:10.
IOANE: “E otinako mai [win Iesu] te kabaang ae abwabwaki ae kakang, ae e na oreiia iai natannaomata.”—TeKao. 19:11-18.
N TAAI AIKAI
Te Baibara bon te boki ae te kabanea n tiraua rairakina ao tibwatibwaakina
ANA TORO IEHOVA NI BOONG AIKAI . . .
-
A tibwatibwai booki ake a aanaki n te Baibara aika birion ma birion n taetae aika irabubua mwaitiia
-
A kabanei aoa aika iraua te mirion ni katoa ririki n te uarongorongo