TE BWAOKI N REIREI 10B
“Ri Aika Mwau” ao “Uoman [Taani] Kakoaua”—Tera Irekerekeia?
A KAKORORAOAKI taetae ni burabeti aika uoua aika irekereke aikai n 1919: teuana bon taekan “ri aika mwau,” ao are teuana “uoman [taani] kakoaua.” E kaotaki n te miitara ae “ri aika mwau” taekan te tai ae e a rangi ni maan (ae tienture aika bati) ao e toki ngke e a manga maiu te kurubu ae bubura ae kaainaki irouia ana aomata te Atua. (Etek. 37:2-4; TeKao. 11:1-3, 7-13) E kaotaki n te taetae ni burabeti ae “uoman [taani] kakoaua” taekan te tai ae aki maan (are e kakororaoaki man raatokin 1914 nakoni moan 1919) ao e toki ngke e a manga maiu te kurubu ae uarereke ae kaainaki irouia ana toro te Atua. A uaia taetae ni burabeti aikai ni kaota te mangauti n te aro ni kaikonaki, ao a kakororaoaki n 1919 ngke e a kairiia ana toro aika kabiraki Iehova bwa a na “teirake i aoni waeia,” a na otinako man kataenikaiaia i aani Baburon ae Kakannato, ao n ikotaki n te ekaretia ae e a manga kaitiakaki.—Etek. 37:10.
Ma noria bwa iai te kaokoro ae kakawaki, ni kaineti ma kakororaoan taetae ni burabeti aika uoua aikai. E kaotaki n te taetae ni burabeti ae “ri aika mwau” taekani kamaiuaia taani kabiraki ni kabane ake nikira. Ma e kaotaki n te taetae ni burabeti ae “uoman [taani] kakoaua” taekani manga kamaiuaia ana kabiraki te Atua tabeman aika nikira, ae taekaia naake a kairiri n ara botaki ao a rineaki bwa “te toro ae kakaonimaki ma ni wanawana.”—Mat. 24:45; TeKao. 11:6. *
“Te Tabo ae Aoraoi . . . E Onrake n Taian Ri”—Etek. 37:1
-
IMWIN 100 C.E.
Man te kauoua n tienture C.E. n uaa ae e a tiringaki n te aro ni kaikonaki te ekaretia ni Kristian ae kaainaki irouia taani kabiraki, ike e a onrake iai “te tabo ae aoraoi” n “taian ri”
-
MOAN 1919
1919: A a maiu “ri aika mwau” ngke e a kairiia taani kabiraki ni kabane Iehova bwa a na kitana Baburon ae Kakannato, ao n ikotaki n te ekaretia ae kaitiakaki
“Uoman [Taani] Kakoaua”—TeKao. 11:3
-
N RAATOKIN 1914
te uarongorongo “n te raerobwa”
1914: A uarongorongo “uoman [taani] kakoaua” ma kunnikaia ae “te raerobwa” i nanon tenua ao te iterana te ririki. N tokin taai akanne are a a tiringaki iai n te aro ni kaikonaki
-
te mate n te aro ni kaikonaki
-
MOAN 1919
1919: A a maiu “uoman [taani] kakoaua ngke e a riki te kurubu teuana ae uarereke ae kaainaki irouia taari aika kabiraki bwa ai taani kairiri n ara botaki, ao a rineaki bwa a na beku bwa “te toro ae kakaonimaki ma ni wanawana”
^ bar. 4 Nora Te Taua-n-Tantani, ae bwaini Maati 2016, ae “Titiraki Mairouia Taani Wareware.”