TE BWAOKI N REIREI 20A
Tibwaan te Aba
E rau nanoia taenikai ni kabwarabwaraan abwakin taian tia aika eti raoi bwa e na boni kaokaki abaia ae mamaten nanoia. Tera reireiara ni boong aikai ae kona n reke man te miitara aei? Iangoi uoua iteran te miitara aei:
Te tabo ae mano ao te mwioko ae kakawaki
A na reke tibwangaia taenikai ake a oki n tatabemania nako, n te Aba ni Berita are kaokaki. Ni boong aikai ao a bane naba ana toro Iehova n reke nneia n te bwaretaiti n taamnei. E ngae ngkana e mangori mwiokoara n ana botaki Iehova, ma e reke ara tabo ae mano ao mwiokoara ae kakawaki n te aba ni kaikonaki. A bane n titeboo kakawakia ana toro Iehova irouna.
A bane ni boraoi taian tibwa
N ana miitara Etekiera ao a kona ni bane ni kakabwaiaaki mani marin te Aba ni Berita are kaokaki, naake a maeka n aonona nako. Ni boong aikai naba a kona ni bane ni kakabwaiaaki ana toro Iehova n te bwaretaiti n taamnei.