Buokiia taan ongora bwa a na neneri aroia i bon irouia. Tabeki titiraki ake a na buokaki iai n neneri aia namakin.

Kaungai nanoia. Kaumakiia taan ongora bwa a na tuoia i bon irouia bwa bukin tera ngkai a karaoi mwakuri aika raraoi. Buokiia bwa a na kani karaoi bwaai ibukin tangiran Iehova, raoia n aomata, ao ana reirei te Baibara. Buokiia bwa a na karekea te wanawana man te Baibara, ao tai kairoroiia. N oneani mwin are ko na kamaamaeia ke n tiribureiia, taraia raoi bwa ni banen am kabwarabwara a na kaungaaki bwa a na karaoa aia kabanea ni konaa.

Kairi aia iango nakon Iehova. Katuruturui aron ana reirei te Baibara, booto n reirei, ao tuua, ni kaotii aroaron te Atua aika raraoi ao ana tangira ibukira. Karikirakea i nanoia taan ongora kani mutiakinan ana namakin Iehova ao kakukureiana.