REIREI 2
Te Taetae ae Kaanga Bon te Maroro
2 I-Korinto 2:17
KABWARABWARAANA: Taetae n aron ae ko boni maroro ao e nako mai nanom, n te aro ae e na oti am namakin ibukin am reirei ao ibukia taan ongora.
ARONI KARAOANA:
-
Katauraoi raoi ao irianna n te tataro. Tataroa buokam bwa ko na aki tabe riki ma arom, ma ko na kaatuua am iango n te baere ko na taekinna. Kaatuua riki iangoan reirei aika kakawaki ake ko riai n taekin. Kabwarabwarai koaua aika kakawaki n oin am taeka ao tai tii wareki taeka ake ko korei.
-
Taetae mai nanom. Iangoia bwa e aera ngkai a riai n ongo te rongorongo anne taan ongora. Kaatuua am iango i aoia ao e na oti raoi tabeakinaia ao mwannanoaia n aron teim, kammwakurani baim, ao tein ubum.
-
Tarai mataia taan ongora. Teimatoa n tarai mataia taan ongora ngkana e aki kamatauninga anne. Ngkana ko kabwarabwara, taraa temanna ma temanna, n oneani mwin are ko a taraiia nako naba.
