REIREI 6
Kabwarabwaraa Raoi Bukini Kamanenaan te Kibu
Ioane 10:33-36
KABWARABWARAANA: Tai tii wareka te kibu ao ko a manga kibara te boto n iango teuana. Taraia raoi bwa taan ongora a na ataa irekereken am kibu are ko warekia ma te reirei ae kakawaki are ko taekinna.
ARONI KARAOANA:
-
Katebenakoi taeka aika kakawaki. Imwini warekan te kibu, katuruturui taeka aika irekereke ma am reirei. Ko kona ni karaoa anne n arom ni kaokiokii taeka akanne, ke n tabeka te titiraki ae e na kairiia taan ongora bwa a na atai taeka akanne.
-
Katuruturua te reirei ae kakawaki. Ngkana ko taekina bukini warekan te kibu teuana, kabwarabwaraa bwa a kangaa taeka aika kakawaki n te kibu anne n irekereke ma bukini warekana.
-
Kabwarabwaraa n te aro ae kai ota. Tai taekini baika aki rangi ni kakawaki aika aki irekereke ma am reirei. Ni kaineti ma te baere a a kaman ataia taan ongora ibukin am reirei, baireia bwa mwaitira baike ko na taekin aika kainnanoaki ibukini kamatataan am reirei.