Rinei kaikonaki aika kai ota. N aron Iesu, kamanenai baika uarereke ni kabwarabwarai iai baika bubura, ao baika bebete ni kabwarabwarai iai baika kangaanga. Tai taekini baika bati aika aki kainnanoaki n te aro are e na aki ota iai te kaikonaki. Taraia raoi bwa am kaikonaki e na kaineti raoi ma am reirei, bwa a kaawa ni mangaongao aia iango taan ongora ngkana akea irekereken am kaikonaki ma am reirei.

Iaiangoiia taan ongora. Rinei kaikonaki aika irekereke ma baike a kakaraoi ao a taneiai iai. Taraia bwa ko na aki kamaamaeia ke ni kaunia n am kaikonaki.

Katuruturua te reirei ae kakawaki. Kamanenai kaikonaki moarara riki ibukin reirei aika kakawaki ma tiaki ibukin ake a aki bati ni kakawaki. Taraia raoi bwa a na aki tii uringa te kaikonaki, ma a na uringa naba reireiaia iai.