E tuanga Tito Bauro bwa e na “mwiokoiia tabeman bwa unimwaane n te kaawa teuana ma teuana.” Ni boong aikai, a kakairi mataniwi n te aono n te katoto ane n te Baibara anne, ni mwiokoiia naba tabeman n te ekaretia.
TE RABWATA N TAUTAEKA
N aron are karaoaki n te moan tienture, e anga te Rabwata n Tautaeka te mwioko ae kakawaki nakoia mataniwi n te aono bwa a na rineiia tabeman bwa unimwaane ao tabonibai n te ekaretia.
MATANIWI N TE AONO
E riai te mataniwi n te aono n iangoa raoi ao n tataroakina taekaia mwaane ake e anganaki araia irouia unimwaane, ao imwina e rineiia mwaane aika tau.
UNIMWAANE AKE A RINEAKI
A riai n teimatoa unimwaane ni kaboraoi maiuia ma ae katauaki n te Baibara ibukia unimwaane, e ngae naba ngkana a a tia ni mwiokoaki iai.
