MAIURA NI KRISTIAN
Teimatoa n Ingainga ni Kariaria ma te Nanomwaaka
Ai maanra ngkoe ni kariariaa Ana Tautaeka n Uea te Atua? Ko a tia n nanomwaaka n aki ongei kangaanga ma te taotaonakinnano? (Ro 8:25) Tabeman Kristian a kaaitara ma te riribai, te bwainikirinaki, te kabureaki, ao kakamaakaia n te mate. A bati naba aika kabokorakora ma kangaanga n aron te aoraki ae wenemaan ke te kara.
Tera ae e na buokira bwa ti na ingainga ni kariaria n aki ongei kataaki nako? Ti riai ni kateimatoa korakoran ara onimaki mani warekan te Baibara ni katoabong ao kananoan ara iango iai. Ti riai naba ni kaatuui ara iango i aon ara kantaninga. (2Ko 4:16-18; Ebr 12:2) Ti riai ni kakorakoraira n tataro ni bubutii nakon Iehova ao n tataroa mwaakan te taamnei ae raoiroi are mairouna. (Rk 11:10, 13; Ebr 5:7) E kona Tamara ae tatangira ni buokira bwa ti na “nanomwaaka ni bwaai ni kabane ma te taotaonakinnano ao te kimwareirei.”—Kor 1:11.
MATAKU N TE TAAMNEI AE TI RIAI NI “KANANOMWAAKAIRA NI BIRI”—KAKOAUAA AE KO NA BONI KAREKEA TE KANIWANGA, AO KAEKAI TITIRAKI AIKAI:
-
Baikara “baika aki kantaningaaki” aika kona n riki ni maiura? (TM 9:11)
-
Ti na kangaa ni buokaki n te tataro ngkana ti aitara ma kataaki?
-
Ngkana ti a aki kona ni karaoa ae bati ibukin Iehova n aron are rimoa, e aera bwa ti riai ni kaatuui ara iango i aoni baika ti kona ni karaoi ngkai?
-
Taraa raoi te kaniwanga
Tera ae buokiko bwa ko na teimatoa ni kakoauaa ae ko na boni karekea te kaniwanga?
