MAIURA NI KIRISTIAN
Ko na Kangaa ni Katauraoiko Imwain te Kauring?
Ni moa man te ririki aei, e na bati riki ara tai ni katauraoi imwain te Kauring ibukini mateni Kristo. Ngkana te Kauring e bwakara te bong ae i marenan te Moanibong nakon te Kanimabong, e na aki karaoaki te Botaki ae Maiura ao Ara Mwakuri ni Minita n te wiki anne. Ngkana e bwakara te wikeen te Kauring, e na aki karaoaki te kabwarabwara ibukia aomata nako ao te Reirei n Te Taua-n-Tantani. Ko na kamanena raoi te tai ae raka aei i buakon am babaire? N aron are kakaraoaki n te moan tienture, a riai ni karaoaki katauraoi aika manena ibukin te botaki ae okoro aei. (Rk 22:7-13; km 3/15 1) Ma ti riai ni bane ni katauraoi nanora imwain te botaki aei. Ti na kangaa ni karaoia?
-
Iaiangoa kakawakini kaean te Kauring.—1Ko 11:23-26
-
Tataro ao iaiangoa am iraorao ma Iehova.—1Ko 11:27-29; 2Ko 13:5
-
Wareka ao kananoa am iango i aon reirei man te Baibara aika maroroakina kakawakin te Kauring.—Io 3:16; 15:13
Tabeman taan uarongorongo a wareware ao a kananoa aia iango i aon te wareware n te Baibara ibukin te Kauring are mena n Neneran te Baibara ni Katoabong. Ake tabeman a wareki kiibu man te Baibara aika kaotaki n te taibora aei. Ao ake tabeman riki a rinanoi kaongora n te Taua-n-Tantani ake a maroroakina te Kauring ao ana tangira Iehova ma Iesu ibukira. N aki ongeia bwa tera ae ko rineia ibukin am ukeuke n reirei, ma ko bia kaaniaki riki iai ma Iehova ao Natina.