25:1-12

E ngae ngke e kaineti ana kaikonaki Iesu ae taekaia aine aika tengaun aika tuai ni boo ma mwaane nakoia taan rimwina aika kabiraki, ma te rongorongo are iai bon nakoia Kristian ni kabane. (w15 15/3 12-16) “Mangaia ae teimatoa n tantani, bwa kam bon aki ataa te bong ma te aoa.” (Mt 25:13) Ko kona ni kabwarabwaraa ana kaikonaki Iesu?

• Te tia mare te mwaane (kibu 1)​—Iesu

• Aine aika wanawana aika tuai ni boo ma mwaane ao a tatauraoi (kibu 2)​—Kristian aika kabiraki ake a tauraoi ni karaoi mwiokoaia ma te kakaonimaki ao a raneanea ngkai taani kaotaa te oota ni karokoa te toki (Brb 2:15)

• Takaruaean aei: “Aio te tia mare te mwaane!” (kibu 6)​—Te bwai ni kakoaua bwa e a oki man tiku Iesu

• Aine aika nanobaba aika tuai ni boo ma mwaane (kibu 8)​—Kristian aika kabiraki ake a na nako ni butimwaea te tia Mare te Mwaane ma a aki teimatoa n tantani ao a aki kateimatoa etin aroia

• Aine aika wanawana aika tuai ni boo ma mwaane, ake a rawa n anga aia bwaa (kibu 9)​—Imwini kamatoaani kanikinaeaia, a aikoa kona taani kabiraki aika kakaonimaki ni buokiia naake a a manga aki kakaonimaki

• ‘E a roko te tia mare te mwaane’ (kibu 10)​—E roko Iesu bwa e na karaoa te motikitaeka n raatokin te rawawata ae korakora

• A rin n te baka ni mare aine aika wanawana aika tuai boo ma mwaane ma te tia mare te mwaane, ao e kainaki te mataroa imwia (kibu 10)​—E a ikotiia nako karawa Iesu taan rimwina aika kabiraki aika kakaonimaki, ma a kabuaa tibwangaia anne naake a aki kakaonimaki