• Kamanena oin am atureti. Ngkana ko iangoia bwa e aki raoiroi bwa ko na anga am atureti, ko kona ni kamanena ana atureti te Tabo n Taromauri ngkana a kariaia unimwaane n te ekaretia. Ma ko AKI riai ni kamanena ana atureti te aobiti n tararua bwa am atureti.

• Korea aran te aomata ngkana ko ataia, bwa e aonga n ataia ae bon ibukina.

• Tuoa raoi bwa e na eti te tibering, te kuramwa, te komwa, te biriari ao tabeua riki. E riai n itiaki am reta ao n aki mangaongao. Ngkana ko koreia ni baim, e riai n ota am koroboki. Kamanenai taeka aika karinea te aomata ao a na rangi ni mataata naba.

A kaotaki ni katoton te reta baika kakawaki aikai. Tiaki nanona bwa ko na katotonga raoi te reta aei n taai ake ko kororeta iai nakon temanna n am aono. Kaangaraoa am reta ni kaineti ma bukini koreana, baika riki, ao te katei.