BUKINI KAKAWAKINA: Te boki ae 1 I-Korinto bon teuana mai buakon reeta ake e korei te abotoro Bauro aika 14 ae koreaki ibukini kaungaaia raao ni Kristian. Ngkana e kororeta temanna e kona ni beberinoi ana taeka, ao e kona n okioki ni warekia teuare koreaki nakoina. Te anga teuana ae raoiroi ibukin te uarongorongo nakoia ara koraki ao raoraora bon rinanon te reta. Bon te anga naba ae uaana ibukin te uarongorongo nakoia naake ti aki kona ni maroro ma ngaiia. N te katoto, tao iai ae kaota te kan ongora ma e aki rereke n ana auti. E bae ni kangaanga rokora irouia tabeman n ara aono bwa a maeka n auti ake e taburoroko te roko iai ma tii ngkana iai te kariaia, a ooaki, ke taabo aika raroanako. Baikara bwaai tabeua aika ti riai n ururingi, moarara riki ngkana ti kororeta nakon te aomata ae ti aki kinaa?

ARONI KARAOANA:

• Taekina te taeka ae ko na bae n taekinna nakon te aomata ngkana e mena i rarikim. Kabwarabwarako ni moan am reta, ao kamataataa bukini korean am reta. Tao ko kona n tabeka am titiraki ae e na iaiangoia te aomata anne ao kairia nakon ara atureti n te intanete. Imwina, tuangnga taekan te Online Bible Study Lessons n te intanete, te kaetieti ibukin te reirei n te Baibara ae kakaraoaki ni mwengaia aomata, ke taekin tabeua atuni mwakoro man teuana mai buakon ara boki n angareirei. Ko kona naba ni karina i nanon am reta beeban ara atureti, te beeba ni kakao, ke te turaeki

• E riai ni kimototo bwa rimwi ao e a kua naba ni warekia te aomata.​—Nora katoton te reta

• Tuoa am reta bwa a na eti raoi am taeka, e na itiaki ma ni kai warekaki. Taraia raoi bwa e na kaotaki iai te tangira, te akoi, ao te kaungaunga