Iai taamnei ibukin te reirei n te Baibara aika aua aika kona ni kamanenaaki n te mwakuri ni minita. Tera bukini katauraoan taamnei aikai?

• E Aera Ngkai E Raoiroi te Reirei n te Baibara?—Bwanin, e katauraoaki te taamnei aei ibukini kaingaingaan nanon temanna nakon te reirei n te Baibara n aki ongeia bwa tera ana Aro. E kaungaia naba taani mataku bwa a na nori ana kaeka te Baibara ibukin titiraki aika kakawaki ni maiura ao rongorongo naba iai aika koaua. E kabwarabwaraa naba aroia ni bubutii te reirei n te Baibara.

• E Aera Ngkai E Raoiroi te Reirei n te Baibara? (ae uarereke riki) bon titeboo kanoana ma te taamnei are bwanin, ma e anaa tao iteran abwakina. E kona n uaana riki te taamnei aei n aono ake mamaeka iai aomata aika rangi n tatabetabe.

• E Kangaa Aroni Kairan te Reirei n te Baibara? E karaoaki te taamnei aei ibukin kaingaingaan te nano nakon reiakinan te Baibara ma Ana Tia Kakoaua Iehova n akea boona, ao ni kaekai naba aia titiraki tabeman iai, n ikotaki naba ma aroia ni bubutii te reirei n te Baibara.

• Ko Butimwaeaki Nakon Am Reirei n te Baibara. E karaoaki te taamnei aei bwa e na kaotaki nakon ane e reirei n te Baibara. E kabwarabwaraaki te taamnei aei n te boki are Ko Kona ni Kukurei n Aki Toki! n iteraniba uoua, ma e kona naba ni kaotaki n te boroutia are Ko Kona ni Kukurei n Aki Toki! A kabwarabwaraaki naba kanoan te boki anne n te taamnei aei, ao te bwai ae kona ni kantaningaia n tain te maroro ane reirei n te Baibara.

E ngae ngke e kakaokoro bukini katauraoan taamnei aikai, ma a boni kona ni kaotaki ke ni kanakoaki nakoia aomata ngkana e bon riai. A kaungaaki taani uarongorongo bwa a na mwaatai ni kamanenai taamnei aikai n te mwakuri ni minita.