A a rikirake n taabangaki riki ngkai kabuanibwai aika karina. Ngkana e riki anne, e kainnanoaki iai bairean raoi te mwakuri n ibuobuoki ao te boutoka ae bobonga raoi. Ibukin anne, e a tia te Rabwata n Tautaeka ni baireia bwa e na kateaki te Aobiti Ibukin te Ibuobuoki n Tain te Kabuanibwai n taian aobiti n tararua ni kabane.

Ngkana a ataia taari mwaane akana mwakuri n te Aobiti Ibukin te Mwakuri anne, bwa iai te kabuanibwai n te tabo teuana, a a boni waekoa naba n reitaki ma unimwaane n te tabo anne bwa a aonga n ataa te ibuobuoki ae a kainnanoia taan uarongorongo. Ngkana e rangi ni korakora te uruaki nakon are a kona ni buokia taari ikanne, e na mwiokoiia taari mwaane te aobiti n tararua aika tau bwa a na kaira te mwakuri n ibuobuoki. A kona taari mwaane akanne ni bubutii ibukia taan anganano ke te mwane ibukin bwaai tabeua, ke a kona ni kabooi ao n tibwatibwai baika kainnanoaki n aia aono.

A bati kakabwaia mani karaoan aei. E totokoaki iai okiokin te mwakuri teuana n te aro ae aki riai, te mangaongao, ao bakataean te mwane ao bwaikoraki. Ma a kona n riki kangaanga akanne ngkana a boni karaoi aia mwakuri taari mwaane n oin nanoia.

A kona ni baireia taari mwaane ake a mwiokoaki man te aobiti n tararua, mwaitin te mwane ao taan ibuobuoki aika kainnanoaki ibukini te mwakuri n ibuobuoki. A kona naba ni kinaia riki mataniwi n aia aono ake a kona ni buokira n angiin te tai bwa e na baitii te mwakuri n ibuobuoki. Ngaia are a aki riai ni biririmoa aomata nako n riko mwane, ao ni kanakoi bwaai n ibuobuoki, ke tao ni mwananga nakon te tabo are rotaki, ni karokoa ae a tuangaki bwa a na mwananga.

Ma e ngae n anne ao ngkana e riki te kangaanga, ti boni kan ibuobuoki. (Ebr 13:16) Ti tangiriia tarira! Ma tera ae ti kona ni karaoia? Moan te kakawaki bwa ti na tataro ibukia ake a taonaki n te kabuanibwai ao ibukia naake a anga baia n ibuobuoki. Ti kona naba n anga ara bwaintangira te mwane rinanon te mwakuri ni katobibia te aonnaba. I aan ana kairiri te Rabwata n Tautaeka, iai aobiti n tararua, ake a atai riki itera ake a na rangi n ibuobuoki iai bwaai n tangira aikai. Ao ngkana ti boni kan ibuobuoki, ti kona ni kaotia ni kanoaan te Local Design/Construction Volunteer Application (DC-50).

MATAKU N TE TAAMNEI AE TE IEKA AE KORAKORA I BRAZIL, AO IMWINA KAEKAI TITIRAKI AIKAI:

Tera ae anaaki iai nanom ibukin aia mwakuri n ibuobuoki Ana Tia Kakoaua Iehova imwin te ieka i Brazil n 2020?