Eberi 29–Mei 5
TAIAN ARERU 34-35
Anene 10 ao Tataro | Taeka ni Kaukuki (1 min.)
1. “Karaoiroa Iehova n Taai Nako”
(10 min.)
E karaoiroa Iehova Tawita n taai naba ake e rinanoni kataaki (TA 34:1; w07 1/3 24 ¶11)
E kamoamoaa Iehova Tawita ao e aki kamoamoaa i bon irouna (TA 34:2-4; w07 1/3 25-26 ¶13)
A kakorakoraaki raoraon Tawita n ana taeka ni karaoiroi (TA 34:5; w07 1/3 26-27 ¶15)
Ngke e tia Tawita ni kitana Abimereka, e a raonaki n te rereua irouia mwaane aika tao 400 ake a aki kukurei n ana kairiri Tauro. (1Ta 22:1, 2) E bae n iaiangoiia te koraki aikai Tawita ngke e otea te areru aei.—TA 34, atun te areru.
TITIRAKINIKO, ‘N na kangaa ni karaoiroa Iehova ngkana I taetae ma temanna are tekateka i rarikiu n te taromauri are imwina?’
2. Kaubwai n Taamnei Aika Kakawaki
(10 min.)
-
TA 35:19—Tera nanon ana bubutii Tawita ae a na aki kariaiakaki akana ribaia ni “kakekeei mataia”? (w06 6/1 20 ¶2)
-
Baikara kaubwai n taamnei n te wareware n te Baibara n te wiki aei ae ko kan taekin?
3. Wareware n te Baibara
(4 min.) TA 34:1-22 (th reirei 5)
4. Moanakin te Maroro
(2 min.) TE UARONGORONGO N TE TAI AE AKI BAIREAKI. E toki te maroro imwain ae ko nang uarongorongo. (lmd reirei 1 nambwa 4)
5. Te Manga Oki
(4 min.) TE UARONGORONGO N TE TAI AE AKI BAIREAKI. (lmd reirei 2 nambwa 4)
6. Kabwarabwaraa Am Koaua
(5 min.) Te Kaotioti. ijwfq 59—Te Boto n Iango: A na Kangaa Ana Tia Kakoaua Iehova ni Baireia Bwa A na Ira Buakon te Bong ni Motirawa Teuana ke A na Aki? (th reirei 17)
Anene 59
7. Aanga Aika Tenua Ibukini Karaoiroan Iehova n Taai ni Bobotaki
(15 min.) Te maroro.
Iai aanga aika rangi n raoiroi ibukini karaoiroan Iehova n taai ni bobotaki n te ekaretia. Aikai aanga akanne.
N Tain te Maroro: Maroroakina raoiroin Iehova ngkana ko mamaroro ma tabeman. (TA 145:1, 7) Iai te reirei teuana ae ko ongo ke ni warekia ae ko kakabwaiaaki iai? Iai te bae ko kani karakinna ae raoiroi imwin am uarongorongo? Iai kaungaam ae reke mairoun temanna n ana taeka ke n ana mwakuri? Iai te bae e anaaki nanom iai man te karikibwai ae ko tataraia? Boni bwaai n tituaraoi baikai ni kabane mairoun Iehova. (Iak 1:17) Moantaai n roko bwa e aonga n reke am tai ni maroro ma tabeman.
N Tain te Anga Kaeka: Kataia n anga tao teuana naba am kaeka ni katoaa te tai n taromauri. (TA 26:12) Ko kona n anga te kaeka raoi nakon te titiraki ke n taekina riki teuana ae kakawaki naba, te kibu, te taamnei, ke arom ni maiuakinna. Kioina ngkai a na bae ni katei baia naba tabeman, katauraoi am kaeka tabeua. A na bati aika kona n “anga [aia] karea ni karaoiroi nakon te Atua” ngkana ti kaeka n te maan ae 30 te tekan ke i aana riki.—Ebr 13:15.
N Tain te Anene: Ingainga n anenei kunan te Tautaeka n Uea. (TA 147:1) Ko bae n aki rineaki bwa ko na kaeka n taai ni bobotaki, riki n te ekaretia ae bubura ma ko kona n ira buakon te anene n taai nako. E ngae ngkana iroum ko aki rangi ni bwaati n anene, ma ngkana ko kabanea nanom iai, e na rangi ni kukurei iai Iehova! (2Ko 8:12) Ko kona ni katauraoi ngkana ko kakataneiako n anenei ni mwengam.
Kaota te TAAMNEI ae Rongorongon te Rikirake n Ara Botaki—Te Bwaintituaraoi ae te Anene, Mwakoro 1. Imwina titiraki ni kangai:
N aron ae oti n ara botaki n taai ake rimoa, ti na kangaa ngkanne ni kaotia ae e kakawaki te anene ibukini karaoiroan Iehova?
8. Te Reirei n te Baibara n te Ekaretia
(30 min.) lvs mwa. 10 ¶1-8
