Maati 17-23
TAEKA N RABAKAU 5
Anene 122 ao Tataro | Taeka ni Kaukuki (1 min.)
1. Kararoaa te Wene ni Bure
(10 min.)
E kona n rangi n anainano karaoan te wene ni bure (TNR 5:3; w00 7/15 29 ¶1)
E kananokawaki ma ni kauringaaba mwini karaoan te wene ni bure (TNR 5:4, 5; w00 7/15 29 ¶2)
Kararoaa te wene ni bure (TNR 5:8; w00 7/15 29 ¶5)
Te tari te aine ae rawa n anganako nambwan ana tareboon nakon te teinimwaane temanna
2. Kaubwai n Taamnei Aika Kakawaki
(10 min.)
-
TNR 5:9—N te aro raa ae ko anganako iai “karineam nakoia tabemwaang” imwini karaoan te wene ni bure? (w00 7/15 29 ¶7)
-
Baikara kaubwai n taamnei n te wareware n te Baibara n te wiki aei ae ko kan taekin?
3. Wareware n te Baibara
(4 min.) TNR 5:1-23 (th reirei 5)
4. Moanakin te Maroro
(3 min.) TE UARONGORONGO N ANA TABO TE BOTANNAOMATA. Kaoa temanna ae aki ataa taekan Iesu nakon te Kauring, ao kabongana jw.org ni kakaaea te tabo ae e na boo iai ae uakaan ma ngaia. (lmd reirei 6 nambwa 4)
5. Te Manga Oki
(4 min.) TE AUTI TEUANA MA TEUANA. Ni moani kawaran te aomata, e butimwaea te beeba ni Kauring ao e kaota te kan ongora. (lmd reirei 9 nambwa 5)
6. Karekeia Taan Rimwini Kristo
(5 min.) lff reirei 16 kakimototoana, kauring ao kataia. Ngkana e titiraki am aomata bwa iai buun Iesu ke akea, kaota nakoina arona ni karaoa te kakaae iai ibukini kaekaana. (lmd reirei 11 nambwa 4)
Anene 121
7. Taratara Raoi Bwa Ko na Kateimatoa Itiakin Am Iraorao ni Karekenano
(15 min.) Te maroro.
E kona n nanonaki n te iraorao ni karekenano “baika a kani kakaraoi aomata aika uoman ni karikirakea iai aia tangira.” E kona ni karaoaki i buakoia aomata ke ngkana n tii ngaiia uoman, e kona n ataaki irouia tabemwaang ke a aki kaokaotia nakoia tabemwaang, ao a kona ni maroro ni karekenano ngkana a kaitiboo ao rinanon naba te tareboon, ke te kanako text. Ti iangoa te iraorao ni karekenano bwa tiaki te bwai ni kaakibotu, ma bon aron te mwaane ao te aine ni mamaroro ni kaotiota aia tangira, ae te mwaneka ae kakawaki nakon te mare. Baikara baike a na taratara raoi mai iai te mwaane ao te aine e ngae ngkana a ataei ke a a kara, bwa a aonga ni kararoaia man te wene ni bure n aia tai n iraorao ni karekenano?—TNR 22:3.
Kaota te TAAMNEI ae Te Katauraoi Imwain te Mare—Mwakoro 1: I a Tau Nakon te Iraorao ni Karekenano?—Mwakorona. Imwina titiraki ni kangai:
-
E aera ngkai e aki riai ni moantaai n iraorao ni karekenano te aomata ma tii ngkana e a tau nakon te tekateka n taanga? (TNR 13:12; Rk 14:28-30)
-
Tera ae e anaaki iai nanom n aroia kaaro aikai ni buoka natiia te aine?
Wareka Taeka N Rabakau 28:26. Imwina titiraki ni kangai:
-
Tera ae a kona ni karaoia naaka a iraorao bwa a na totokoa iai rikini baika a na kairiia nakon te wene ni bure?
-
E aera bwa a wanawana naaka a iraorao ngkana a a kamani maroroakini baika a na karaoi ao aika a na aki karaoi ibukini kaotiotan aia tangira i marenaia, n aron te taubai ao te kiiti?
Wareka I-Ebeto 5:3, 4. Imwina titiraki ni kangai:
-
Tera ae a riai n ururingnga naaka a iraorao ngkana a mamaroro i aon te tareboon ke ngkana a online?
8. Te Reirei n te Baibara n te Ekaretia
(30 min.) w20.03 21-23 ¶11-18
