Ngkai ti kekeiaki n nanomwaaka ni kabaneani “kabaneani boong” aikai, ti kantaningaia bwa a na rikirake riki kangaanga. (2Ti 3:1; study note Mt 24:​8, nwtsty) A aki toki ana aomata Iehova ni karekei kaetieti ibukini kamanoani maiuia aika roko raoi n taia ngkana a aitara ma kabuanibwai. E boboto ngkanne kamaiuara i aon ongeabara ni katauraoi ngkai, ni kaineti ma bwaai n taamnei ao n rabwata naba.​—RK 16:10.

• Katauraoiko n te aro n taamnei: Karaoa am babaire ae nakoraoi. Reiakini aanga n uarongorongo aika kakaokoro. Tai kanakoa nanom ngkana ko raroanako tabeua te tai ma te ekaretia. (It 30:15) Ko bon aki kona n raroanako mairoun Iehova ao Iesu.​—od 176 ¶15-17

• Katauraoiko n te aro n rabwata: Irarikini baika kainnanoaki, a riai naba kaain auti n tatabemania nako ni kaokoroa te amwarake ae tau, te ran, te bwainnaoraki, ao bwaai riki tabeua aika kainnanoaki ngkana arona bwa a nang tiku n auti ni katantan i nanon te tai ae maan teutana.​—TNR 22:3; g17.5 4, 6

MATAKU N TE TAAMNEI AE KO A TAURAOI IMWAIN TE KABUANIBWAI AE KARINA? AO KAEKAI TITIRAKI AIKAI:

• Ti na kangaa ni katauraoira ni kaineti ma te onimaki imwain te kabuanibwai ae karina?

• E aera ngkai ti riai . . .

  • n teimatoa n rereitaki ma unimwaane?

  • ni katauraoi baika kainnanoaki ibukin te kabuanibwai ae karina?

  • ni mamaroroakini kabuanibwai aika kona n riki, ao te bae ti na karaoia ngkana e a riki?

• Baikara aanga aika tenua aika ti kona iai ni buokiia tabemwaang ngkana a rinanon te kabuanibwai ae karina?

TITIRAKINIKO AEI, ‘Baikara reireiau ni kaineti ma te katauraoi ni butin te COVID-19?’