Ngkana ti okiriia aomata ke n reirei ma ngaiia n te Baibara, ti riai ni buokiia bwa a na ota n reirei aika kakawaki. Ni kaikonakan reirei aika kakawaki aikai, ti a kona n rooti iai nanoia, ao ni buokiia ni kai uringi.

Ngkana ko katauraoi imwain okiran temanna ke am reirei n te Baibara, tii rinei reirei aika kakawaki aika ko kani kaikonakii. Ao rinei kaikonaki aika kai ota aika irekereke ma maiura ni katoabong. (Mt 5:​14-16; Mrk 2:21; Rk 14:​7-11) Iaiangoa aroaron am aomata anne, ao baika e kakaraoi. (Rk 5:​2-11; Io 4:​7-15) Ngkana ko noria ni kimwareirei ibukina bwa e a ota n te reirei teuana ae kakawaki, ane ko na kimwareirei naba.

MATAKU N TE TAAMNEI AE KIMWAREIREI NI KAREKEAIA TAAN RIMWINI KRISTO​—KARIKIRAKEA RIKI RABAKAUM​—KAIKONAKAN REIREI AIKA KAKAWAKI, AO KAEKAI TITIRAKI AIKAI:

• Bukin tera ngkai a kainnanoa te ibuobuoki naake a reirei n te Baibara, bwa a na ota ni kiibu tabeua?

• E kangaa Neeta ni kamanena te kaikonaki ni kamataata iai te koaua are n I-Rom 5:12?

• Tera manenan taiani kaikonaki aika kai ota nakoia aomata ake ti maroro ma ngaiia?

• E aera bwa ti riai ni kamanenai n ara mwakuri ni minita taian taamnei ao ara bwai n angareirei, aika katauraoaki man ana botaki Iehova?