Te tangira bon te bwai ni kanim ae te kuruu, ae kabaeia kaain te utu ni kabane. Ngkana akea te tangira, e na kangaanga kateimatoaan te katiteuanaaki n te utu ao te nano ni kan ibuobuoki. A na kangaa buumwaane, buuaine, ao kaaro ni kaotiota te tangira n aia utu?

Te buu te mwaane ae tatangira, e na tabeakina raoi kainnanoni buuna, ana iango, ao ana namakin. (Ebt 5:​28, 29) E na karekei kainnanoia ana utu n te itera rabwata ao n taamnei, n ikotaki naba ma kateimatoaan aia Taromauri n Utu n te tairiki. (1Ti 5:8) Te buu te aine ae tatangira, e na aantaeka irouni buuna ao ni “korakora karineani” buuna irouna. (Ebt 5:​22, 33; 1Be 3:​1-6) A riai taanga ni mare n tatauraoi n ikabwarabure i marenaia. (Ebt 4:32) Kaaro aika tatangira, a kaotiota tabeakinaia natiia n tatabemania nako ao a reireinia bwa a na tangira Iehova. (TTK 6:​6, 7; Ebt 6:4) Baikara aia kangaanga natiia n te reirei? A kangaa ni kabokorakora ma aia kariri tabonroroia? Ngkana iai te tangira n te utu, ane a na namakina te mano ao te mweraoi kaaina.

MATAKU N TE TAAMNEI AE KAOTIOTA TE TANGIRA AE AKEA KABWAKANA N AM UTU, AO KAEKAI TITIRAKI AIKAI:

• E na kangaa te buu te mwaane ae tatangira ni wantongaa buuna ao n nabeia?

• E na kangaa te buu te aine ae tatangira ni korakora karineani buuna irouna?

• A na kangaa kaaro aika tatangira ni karina Ana Taeka te Atua irouia natiia?