MAIURA NI KRISTIAN
Teimatoa n Tutuoa Nanom
Ngkai ti aki kororaoi, e aki bebete iroura bwa ti na teimatoa n tutuoa raoi nanora. Ngkana ti karaoa are ti bon tangiria, ti kona ni kabuaa iai akoara iroun Iehova. N te katoto, tabeman a kariaia tangiran riki te amwarake, te kunnikai, ao te auti, nakon tangiran te Atua. Tabeman a tangira riki te wene ni bure ao a aki karinei ana kaetieti te Atua. (Ro 1:26, 27) Ao tabeman a kakairi n aia kariri tabonroroia ibukin nanoia ni kan tatangiraki ao ni butimwaeaki irouia.—TO 23:2.
Ti na kangaa n teimatoa n tutuoa nanora? Ti riai ni kabanea ara konaa ni kaatuua ara iango i aoni bwaai n taamnei. (Mt 4:4) Ti riai naba ni bubutiia Iehova buokara n tutuoi nanora. Bukin tera? Ibukina bwa e ataa ae te kabanea n tamaroa ibukira ao e ataa naba aroni karekean te bwai ae raoiroi ae ti kainnanoia.—TA 145:16.
MATAKU N TE TAAMNEI AE TAI KARIAIA TE MOKO BWA E NA URUANA MAIUM, AO KAEKAI TITIRAKI AIKAI:
-
E aera ngkai a moko aomata tabeman?
-
Tera ae e kona n riki nakoim imwin te moko?
-
E aera ngkai e bure kamanenaan te moko, ao te moko ae maiu man te baetere?—2Ko 7:1
-
Ko na kangaa n rarawa nakon te moko ke ni boni katokia?