Ibukini kakukureian te Atua, a riai naake a reirei n te Baibara ni karikirakea aia onimaki ae korakora. (Ebr 11:⁠6) Ti kona n ringi nanoia ni kamanenaan te boki ae Ko Kona ni Kukurei n Aki! Iai n te boki n reirei aei kiibu aika kakawaki, reirei aika a mataata raoi, titiraki aika uaana, taamnei aika kaunganano, ao korobanna aika tamaroa. Ngkana ti buokiia aika reirei n te Baibara bwa a na karikirakei aroaro ni Kristian ao aia iraorao ma te Atua, ti a kateitei iai ma bwaai ni mwakuri aika aki kona ni bue.​—1Ko 3:​12-15.

A iangoia tabeman bwa e kangaanga te riki bwa raoraon te Atua ngkai a aki kona n noria. Ngaia are ti riai ni buokiia bwa a na kinaa Iehova ao n onimakinna.

MATAKU N TE TAAMNEI AE KARIKIRAKEA ONIMAKINAN IEHOVA, NI KAMANENAAN “KO KONA NI KUKUREI N AKI TOKI!” AO KAEKAI TITIRAKI AIKAI:

• Ti kangaa n ataia bwa e boni katauraoi raoi te tari te aine arei?

• E kangaa ni kamanenai titiraki ake a kaotaki, ni buoka iai ana aomata ni kaeka mai nanona ni kaineti ma Itaia 41:​10, 13?

• Tera aron rotakin ana aomata n te taamnei ao ni kiibu man te Baibara?

A bati aomata aika a aki ota n te kaboomwi, ke a aki iangoia bwa bon ana bwaintangira te Atua nakoia. (Kar 2:20) Ngaia are ti riai ni buokiia ni karikirakea onimakinan te kaboomwi are e anga Iesu.

MATAKU N TE TAAMNEI AE KARIKIRAKEA ONIMAKINAN IESU, NI KAMANENAAN “KO KONA NI KUKUREI N AKI TOKI!” AO KAEKAI TITIRAKI AIKAI:

• Ti kangaa n ataia bwa e boni katauraoi raoi te tari te mwaane arei?

• E kangaa ni kamanena kanoan te bwaoki ae “Nori Naba Aikai” ni buoka iai ana aomata?

• E aera ngkai e rangi ni kakawaki te tataro ibukin am aomata?