Tera te rawebwanaa ae kanoan te Baibara? Bon te rawebwanaa man Te Rairai ae te Aonnaba ae Boou, ae manga rinanoaki. E a tia n rairaki teutana imwin teutana n taetae aika bati. E ibuobuoki aei bwa e kamanenai bwanaaia aomata aika kakaokoro aika taekinaki n te Baibara. A warekaki taekana ni katuruturuaki raoi, ao a oti naba namakin iai ibukini katereakin ana rongorongo te Baibara n te aro ae eti raoi.

A kangaa ni kakabwaiaaki tabeman man te rawebwanaa ae kanoan te Baibara? Naake a katoatai n ongora n rawebwanaa akanne, a a nora riki koauan Ana Taeka te Atua. A namakinna bwa ngkana a ongo bwanaaia taan tia wareware aika kakaokoro, a a kona iai ni kataamnei baike a riki ao a a mataata riki ni baike a koreaki. (TNR 4:5) A bati naba aika noria bwa ngkana a raraoma, a kona ni kabebeteaki man ongoraean rawebwanaa aikai.—TA 94:19.

E korakora rotakini maiura, man ongoraean Ana Taeka te Atua ae warekaki n te bwanaa ae baibati. (2Ro 34:19-21) Ngkana iai te rawebwanaa ae kanoan te Baibara n te taetae ae ko ota iai ae bwanin ke mwakorona, ko kona ni kamanena bwa kanoan am babaire ibukini bwaai n taamnei?

MATAKU N TE TAAMNEI AE TE RAWEBWANAA AE KANOAN TE BAIBARA—MWAKORONA, AO IMWINA KAEKAA TE TITIRAKI AEI:

Tera ae anaaki iai nanom n aroni katauraoani bwanaa man te Baibara aika raweaki?