MAIURA NI KRISTIAN
“E Rangi ni Kinaaki Buun Neiei ni Mataroan Oon te Kaawa”
E kamoamoaaki te buu te mwaane man aroni buuna ae konabwai. N ana tai te Uea ae Remuera ao e “rangi ni kinaaki [te buu te mwaane] ni mataroan oon te kaawa” man aroni buuna ae konabwai. (TNR 31:23) Ni boong aikai, a beku bwa unimwaane n te ekaretia ao tabonibai mwaane aika karineaki. Ngkana a a tia ni mare, e boboto nakoraoini mwiokoaia man aroaroia buuia aika raraoi ao aia boutoka nakoia. (1Ti 3:4, 11) A rangi ni kamoamoaaki buu aine aika konabwai akanne irouia buuia ao kaain naba te ekaretia.
E buoka buuna ni mwiokoana te buu te aine ae konabwai n arona . . .
-
ni kaungaa buuna n taeka aika kaotiota te akoi.
—TNR 31:26 -
ni kariaia buuna bwa e na tabeakina naba te ekaretia.
—1Te 2:7, 8 -
ni kabebetea maiuna.
—1Ti 6:8 -
n aki neneri baika a aki riai n ataaki ibukin te ekaretia.
—1Ti 2:11, 12; 1Be 4:15