Baikara aroaro aika ko na tatarai ngkana ko na rinea raoraom? E bae ni kakawaki iroum te kakaonimaki ni koaua, te akoi, ao te tituaraoi. E kaotiotii aroaro aikai ni kabane Iehova. (TO 34:6; Mwa 14:17) E kakauongo ngkana ko tataro nakoina. E tauraoi naba ni buokiko ngkana ko kainnanoia. (TA 18:19, 35) E kabwarai am bure. (1Io 1:9) Ai tamaroara te riki bwa Raoraon Iehova!

Ko na kangaa n riki bwa raoraon Iehova? Reiakina taekana n arom ni wareka ana Taeka. Bunra nanom nakoina. (TA 62:8; 142:2) Kaotia bwa a kakawaki iroum baika a kakawaki iroun Iehova, n aron Natina, ana Tautaeka n Uea, ao ana berita ibukin taai aika a na roko. Tataekinna nakoia aomata. (TTK 32:3) Ngkana ko karikirakea am iraorao ae kaan ma Iehova, e na bon riki bwa Raoraom n aki toki.​—TA 73:25, 26, 28.

MATAKU N TE TAAMNEI AE ROORO N RIKIRAKE​—“KATOONGNGA AO NORIA BWA E BON RAOIROI IEHOVA,” AO KAEKAI TITIRAKI AIKAI:

• Ko na kangaa ni katauraoiko nakon te katabu ao te bwabetito?

• A na kangaa ni buokiko tabeman n te ekaretia bwa ko na beku iroun Iehova?

• E kangaa ni kakorakoraa am iraorao ma Iehova te mwakuri ni minita?

• Baikara mwioko n ana botaki Iehova aika tauraoi ibukim?

• Tera te bwai ae ko tangiria riki ibukin Iehova?