BAIKA KAKAWAKI AIKA MENA N ANA TAEKA TE ATUA | ITAIA 11-16
E na Buta Aonnaba n Ataakin Iehova
Aron te taetae ni burabeti aei ni kaineti nakoia tibun Iteraera
-
A aikoa maakuia maan aika tiritiri ke aomata aika ai aroia maan akanne tibun Iteraera ni mwanangaia n oki nako abaia imwin tautoronakia i Baburon, ao ngke a a maeka i abaia.
—Etr 8:21, 22
Aron te taetae ni burabeti aei ni kaineti nakon ara bong aikai
-
A bitaki aroaroia aomata n ataakin Iehova. A a rau aomata ake a iowawa ngkoa. E a bwaretaiti n taamnei te aonnaba ni kabutaa man ataakin Iehova
Aron te taetae ni burabeti aei ni kakoroaki bukina n te tai ae e na roko
-
E na oneaki te aonnaba ni kabutaa nakon te bwaretaiti ae rau ma ni mweraoi, n aron ana moani kantaninga te Atua. E na aki kakamaakaki te aba n te bwai teuana, tao mairoun te aomata ke te man
E bitaki Bauro n ataakin te Atua
-
Ngke te Baritaio ngaia, e kaotiota te aroaro ae ai aroia maan aika tiritiri.
—1Ti 1:13 -
E bitaki aroarona man te atatai ae eti.
—Kor 3:8-10
