E bon aki inanonano Iehova. (Mwa 10:34, 35) E butimwaeia aomata “mai buakoia natannaomata ma baronga ma botannaomata ma taian taetae.” (Kao 7:9) Ngaia are e riai n akea te riribai ke te inanonano i nanon te ekaretia ni Kristian. (Iak 2:1-4) Ti kakaitau n te reirei mairoun te Atua bwa ti a mena n te bwaretaiti n taamnei ae ti nora iai bitakin aroaroia aomata. (Ita 11:6-9) Ngkai ti kakorakoraira n taeki mai nanora tamrurun nako te riribai, ti kaotiira iai bwa ti katotonga aron te Atua.—Ebt 5:1, 2.

• E aera bwa e mwaaka riki te reirei mairoun te Atua nakon aia kakorakora aomata ni katoka te kakaokoroaki ao te riribai?

• Tera ae e anaaki iai nanom n ara botaki n itaritari ni katobibia te aonnaba?

• E kangaa n neboaki Iehova ngkana ti kateimatoa te katiteuanaaki ni Kristian?