MAIURA NI KRISTIAN
Karikirakean Rabakaura n te Mwakuri ni Minita—Buokaia Naake A “Tauraoi Nanoia” Bwa A na Riki Bwa Taan Rimwini Kristo
BUKINI KAKAWAKINA: E karikirakea Iehova koraan te koaua i nanoia naake a “tauraoi nanoia ni butimwaea te koaua ae kairiia nakon te maiu are aki toki.” (Mwa 13:48; 1Ko 3:7) Ti mwakuri ma Iehova n arora ni kakorakoraira n ara mwakuri ni minita n okiokiriia aomata ake a kani maiuakini baike a reiakin. (1Ko 9:26) A riai n ataia ara reirei n te Baibara ae e karekea kamaiuaia te bwabetito ni Kristian. (1Be 3:21) Ti buokiia bwa a na riki bwa taan rimwini Kristo n arora n reireinia bwa a na karaoi bitaki ni maiuia, a na uarongorongo ao n angareirei, ao ni katabui maiuia nakon Iehova.—Mt 28:19, 20.
ARONI KARAOANA:
-
Kauringia am reirei n te Baibara bwa bukin raoi reiakinaia boni buokaia bwa a na “ataa” Iehova ao ni kakukureia.—Io 17:3
-
Buokiia bwa a na rikirake n te onimaki n aroia n tokanikai i aon anuaia ao aia iraorao aika aki raraoi
-
Kakorakoraia ao kaungaia imwain ao imwini bwabetitoaia.—Mwa 14:22
MATAKU N TE TAAMNEI AE E NA BUOKIKO IEHOVA AE TE ATUA, AO KAEKAI TITIRAKI AIKAI:
-
Baikara baike a raraoma iai tabeman ao a a tautaua iai katabuani maiuia ao bwabetitoaia?
-
A na kangaa unimwaane ni buokiia naake a reirei n te Baibara bwa a na rikirake n te onimaki?
-
Tera reireiara ibukin Iehova n Itaia 41:10?
-
Baikara aroaro ake ti na buokaki iai ni beku iroun Iehova n te aro ae e na kukurei iai, e ngae ngkai ti aki kororaoi?