A neboa Iehova n te anene Bauro ma Tira ngke a karabuutinaki. (Mwa 16:25) A kakorakoraaki n aia anene bwa a na nanomwaaka. Ma tera arora ni boong aikai? Anene aika kabonganaaki n te taromauri ao anene riki tabeua, a kona ni kaungaira ao ni buokira bwa ti na teimatoa ni kakaonimaki i aani kataaki. Ma ae kakawaki riki, e neboaki iai Iehova. (TA 28:7) Ti kaungaaki bwa ti na kamatenikunai anene tabeua. Ko a tia ni kataia ni karaoia? Ti kona ni kabongana te taromauri n utu bwa ara tai ni kataneiai n anene ao ni kamatenikunai.

MATAKU N TE TAAMNEI AE A ANENE N NEBOA IEHOVA ATAEI, AO KAEKAI TITIRAKI AIKAI:

• Tera kakabwaiaara ngkana ti anenei kunan te Tautaeka n Uea?

• A kangaa ni katauraoi kaain te Audio/Video Department imwain rawean te anene?

• A kangaa ni katauraoi ataei ma aia utu imwain te rawerawe?

• Baikara kunan te Tautaeka n Uea aika ko tatangiri, ao bukin tera?