BUKINI KAKAWAKINA: A kaoia aomata n aekaia nako taani kabiraki ao tiibu tabemwaang bwa a na ‘anaa te ran ni kamaiu n akea boona.’ (Kao 22:17) Te ran ni kaikonaki aei e tei ibukini bwaai ni kabane ake e katauraoi Iehova ibukini kamaiuaia aomata aika ongeaba, man te bure ao te mate. Ngkana ti na buokiia aomata aika kakaokoro aia katei ao aia koaua n aia Aro, ti riai n tataekina “te rongorongo ae raoiroi ae teimatoa n aki totoki” n te aro ae a na anaaki iai nanoia n tatabemania nako.​—Kao 14:6.

ARONI KARAOANA:

• Rinea te reirei ao te kibu ae e na rotaki iai nanoia aomata n am aono. Ko kona n kamanena aron te maroro ke n rinea te reirei ae ko a tia ni kamanena ao e uaana. Baikara reirei ao kiibu aika butimwaeaki riki irouia aomata? Iai te rongorongo teuana ae a mamaroroakinna? Tera ae e na kan ongora riki iai te mwaane ke te aine?

• Ngkana ko maroro, uringnga ni karina te kamauri ao te katei ae bwabwainaki n am aono.​—2Ko 6:3, 4

• Ko riai n taneiai ma kanoani booki ao taamnei ake n ara Bwai ni Mwakuri Ibukin te Angareirei bwa ko aonga ni maroroakinna ma ane e kan ongora

• Karekea te reirei man te intanete n aia taetae aomata akana ko na bae ni boo ma ngaiia n am aono

• Kaangaraoa am maroro ma te baere e kan ongoraeia kaain te auti. (1Ko 9:19-23) N te katoto, tera ae ko na taekinna ngkana ko a ataia ae iai kaain te auti ae e a tibwa mate?

MATAKU N TE TAAMNEI AO KAEKAI TITIRAKI AIKAI:

• Tera are e maroroakinna te tia uarongorongo ma kaain te auti?

• Tera ae e a tia n aitara ma ngaia kaain te auti?

• Baikara kiibu ake a anainano riki n te tai aei, ao bukin tera?

• Ko na kangaa ni kaangaraoa am maroro bwa a aonga n anaaki nanoia kaain am aono?