N taai aika kakaokoro mangkekei ni karokoa ngkai, a a tia taan tautaeka ni buokiia ana aomata Iehova. (Etr 6:1-12; Ett 8:10-13) Ti noria naba ni boong aikai bwa “aontano” ae taekaia kaain te aonnaba aei aika aki imanono, e onga “te karaanga” ae taekan te bwainikirinaki ae e kauekea “te rakon,” ae Tatan te Riaboro. (Kao 12:16) N tabetai, e kona Iehova ae te “Atua ae kamaiuira,” ni kairiia taan tautaeka bwa a na buokiia ana aomata.​—TA 68:20; TNR 21:1.

Ma tera arom ngkana ko a kabureaki ibukin am onimaki? Tai nanououa bwa e boni kawakiniko Iehova. (KB 39:21-23; TA 105:17-20) Karaua nanom bwa e na bon reke kaniwangam ibukin am onimaki, ao a boni kaungaaki tarim ni kabutaa te aonnaba ni kateimatoaan arom ae eti.​—Brb 1:12-14; Kao 2:10.

MATAKU N TE TAAMNEI AE A KAINAOMATAAKI MAN TE KARABUUTI TAARI MWAANE I KOREA, AO KAEKAI TITIRAKI AIKAI:

• E aera bwa a kabureaki i nanon ririki aika bati nga ma nga taari mwaane i Korea Maiaki?

• Baikara mooti n te boowi ake a karekea waekoani kainaomataaia taari tabeman?

• Ti na kangaa ni buokiia tarira ni kabutaa te aonnaba aika teimatoa ngkai ni kabureaki ibukin aia onimaki?

• Tera ae ti riai ni karaoia ngkai ti inaomata moa ngkai?

• Antai raoi ae karekea tokanikaira n taiani boowi?