E mena am ririki ni maiu i marenan 23 ao 65 ao ko beku ni kabwanina am tai? Ko marurung raoi ao ko kona ni beku n te tabo ae kainnanoaki riki iai te ibuobuoki? Ngkana eng am kaeka nakon titiraki aikai, ko a tia n iaiangoa kanoaan te booma ibukin te Kuura Ibukia Taan Uarongorongoa te Tautaeka n Uea? Nga ma nga taanga, taari mwaane ao aine aika akea buuia, ake a tia ni kanoaa te booma ni karinrin mani moani waakin te kuura aei n uaa ngkai. Ma e ngae n anne, ti kainnanoia riki taari mwaane aika akea buuia. Tataro nakon Iehova bwa e na karikirakea nanom ni kani kakukureia ao ni kakairi iroun Natina. (TA 40:8; Mt 20:28; Ebr 10:7) Ao iangoi aanga aika ko kona ni kauarerekea iai am mwakuri ni kareketianti ke tabem riki tabeua bwa ko aonga n tau nakon te kuura aei.

Baikara mwioko aika a uki nakoia naake a a tia n angabeeba, imwin aia kataneiai? Tabeman a kamwaingaki nakon aono aika kabonganaaki iai taetae tabeua, ke a mwiokoaki bwa a na uataboa te uarongorongo n ana tabo te botannaomata. Tabeman a a riki imwina bwa mataniwi n te aono aika taani bonomwi, mataniwi n aono, ke mitinare. Ngkai ko iaiangoi kakabwaia aika reke man te beku ibukin Iehova, ko bia taekin naba ana taeka te burabeti are Itaia aikai: “Aio ngai! Kanakoai!”​—It 6:8.

MATAKU N TE TAAMNEI AE MITINARE​—TAANI MWAKURI N TAI, AO KAEKAI TITIRAKI AIKAI:

• A kangaa n rineaki mitinare?

• Tera te mwakuri ae raoiroi ae a karaoia mitinare?

• Baikara kakabwaia tabeua n te mwakuri ni mitinare?