MAIURA NI KRISTIAN
E Kamaiuia Akana Rawawata Nanoia Iehova
A nanamakina te nanokawaki aomata n taai tabetai. Tiaki nanona bwa ngkana ko nanokawaki ai akea onimakinan te Atua iroum. E ngae n anne, e bon taekinna Iehova bwa e nanokawaki naba n taai tabetai. (KB 6:5, 6) Ma tera arora ngkana ti taonakinako n te nanokawaki n tabetai ke ni bon taai nako?
Tataro nakon Iehova ibukini buokam. E rangi n tabe Iehova ma ara namakin. E ataa te tai ae ti kukurei ao ae ti nanokawaki iai. E ataia naba bwa bukin tera ngkai ti iango ao n namakina aei. (TA 7:9b) Ao ae kakawaki riki, e tabeakinira Iehova ao e kona ni buokira bwa ti na bwaati arora ngkana ti nanokawaki ke n rawawatannano naba.—TA 34:18.
Kawakina raoi am iango. A kona iango aika aki raraoi n rota kukureira ma ara taromauri naba. Ibukin aei, ti riai ni kawakina nanora—ae nanora ao aroarora ni kabane.—TNR 4:23.
MATAKU N TE TAAMNEI AE AROIA TAARI N NAMAKINA TE RAU N AKI ONGEA TE RAWAWATANNANO, IMWINA KAEKAI TITIRAKI AIKAI:
-
Baikara bwaai aika manena ake e karaoi Nikki bwa e na bwaati arona ma te rawawatannano?
-
E aera bwa e namakinna Nikki ae e kainnanoa ana ibuobuoki te taokita?—Mt 9:12
-
N aanga raa ake e onimakina iai Iehova Nikki bwa E na buokia?
