MAIURA NI KRISTIAN
Onimakina Iehova Ngkana Iai ae E Kakani Maiubuaka Nakoim
Ti kona n ikoaki ao ni karawawataaki iroun ane e kakani maiubuaka. E kona naba ni mamaara ara onimaki irouia, ao ni maaku ngkana a a kakaitaraa ara taromauri. Ko na kangaa ni kamanoko mairoun ane e kakani maiubuaka nakoim?
A bati taan taromauria Iehova ake a a tia n nanomwaaka nakon aia waaki taani kakani maiubuaka, man aroia n onimakina Iehova. (TA 18:17) N te katoto, e kaota Etita ana baire te aomata temanna ae kakani maiubuaka ae arana Aman. (Ett 7:1-6) Imwaini karaoan anne, e kaota neiei onimakinan Iehova n arona n aki mamatam. (Ett 4:14-16) E kakabwaiaa ana mwakuri neiei Iehova ao e kamanoa ma ana aomata.
Rooro n rikirake, ngkana iai ae e kakani maiubuaka nakoim, butiia Iehova buokam ao maroroakina am kangaanga ma ae e a ikawai n te onimaki, n aroia am karo. Ko kona ni koaua raoi bwa e na boni buokiko Iehova n aron ae e buoka Etita. Tera riki te bae ko kona ni karaoia bwa ko aonga n nanomwaaka nakon ane e kakani maiubuaka nakoim?
MATAKU N TE TAAMNEI AE MAIUU N RORO N RIKIRAKE—N NA KANGAA N NANOMWAAKA NAKON ANE E KAKANI MAIUBUAKA NAKOIU? AO IMWINA KAEKAI TITIRAKI AIKAI:
-
Tera reireiaia rooro n rikirake man aia katoto Charlie ao Ferin?
-
Tera reireiaia kaaro man aia taeka Charlie ao Ferin ibukini buokaia natiia n nanomwaaka nakon ane e kakani maiubuaka nakoia?
