Okitobwa 7-13
TAIAN ARERU 92-95
Anene 84 ao Tataro | Taeka ni Kaukuki (1 min.)
1. Bon te Maiu ae te Kabanea n Tamaroa te Beku Iroun Iehova!
(10 min.)
E bon riai n taromauriaki Iehova iroura (TA 92:1, 4; w18.04 26 ¶5)
E angania ana aomata te wanawana ae rianako (TA 92:5; w18.11 20 ¶8)
E kakawaki irouna naake a beku ibukina e ngae naba ngkana a a kara (TA 92:12-15; w20.01 19 ¶18)
TITIRAKINIKO AEI, ‘Tera ae tukai mani katabuani maiuu nakon Iehova ao ni bwabetitoaki?’
2. Kaubwai n Taamnei Aika Kakawaki
(10 min.)
-
TA 92:5—A kangaa taeka aikai ni kamataataa raoi wanawanan Iehova? (cl 176 ¶18)
-
Baikara kaubwai n taamnei n te wareware n te Baibara n te wiki aei ae ko kan tibwai?
3. Wareware n te Baibara
(4 min.) TA 94:1-23 (th reirei 5)
4. Moanakin te Maroro
(4 min.) TE UARONGORONGO N TE TAI AE AKI BAIREAKI. Karekea angam n tuanga te aomata taekan te mwakuri ae ko karaoia ae te tia angareirei ngkoe n te Baibara. (lmd reirei 5 nambwa 3)
5. Te Manga Oki
(3 min.) TE UARONGORONGO N TE TAI AE AKI BAIREAKI. Kaotia ae ko tatauraoi n reirei n te Baibara ma te aomata are e aki kan ongora ngkoa, ma e a kan ongora ngkai. (lmd reirei 8 nambwa 4)
6. Karekeia Taan Rimwini Kristo
(5 min.) Te maroro ma temanna ae reirei n te Baibara ae akea rikirakena. (lmd reirei 12 nambwa 5)
Anene 5
7. Ngkana A Taonakinako Rooro n Rikirake n te Tabeaianga
(15 min.) Te maroro.
Tiaki n ae a na aki kaitaraaki naba n te tabeaianga naake a beku iroun Iehova. N te katoto, e rinanon naba te tabeaianga Tawita n taai aika bati ni maiuna, ao ai aroia naba tarira aika bati ni boong aikai. (TA 13:2; 139:23) Ao anne ae riki naba nakoia rooro n rikirake. N tabetai ao e kona te tabeaianga ni karikii baike a kakaraoaki ni katoabong n aron te nanako n reirei ke kaeani botaki n taromauri, bwa e na taraa ni riao karaoaia. E boni kona naba ni karekea te boo ke iaiangoan te bakabure.
Rooro n rikirake, ngkana kam namakinna bwa kam a taonakinako n te tabeaianga, waekoa maroro ma ami karo ke te ikawai riki temanna. Ma tai mwaninga ni butiia naba Iehova ana ibuobuoki. (Brb 4:6) E na boni buokiko. (TA 94:17-19; It 41:10) Iaiangoa ana katoto Steing.
Kaota te TAAMNEI ae E Mutiakinai Iehova. Imwina titiraki ni kangai:
• Te kibu raa ae buoka Steing, ao bukin tera?
• E kangaa Iehova ni mutiakina teuaei?
Kaaro, kam kona ni buokiia natimi ake a tabeaianga n aromi ni kakauongo irouia ma te taotaonakinnano, ni kaota tangiraia iroumi, ao ni buokiia bwa a na karikirakea onimakinan ae e bon tangiriia Iehova. (Tit 2:4; Iak 1:19) Onimakina Iehova bwa e na karekea nakoimi te rau ao te korakora ae kam kainnanoia ibukini boutokaaia natimi.
Ti bae n aki ataia bwa antai n te ekaretia ae taonaki n te tabeaianga ae korakora ke ti aki ataa aron ana namakin iai. Ma ti boni kona ni buokiia kaain te ekaretia bwa a na namakinna ae a tangiraki ao ni butimwaeaki.—TNR 12:25; Ebr 10:24.
8. Te Reirei n te Baibara n te Ekaretia
(30 min.) lvs mwa. 17 ¶20-22, booto n reirei n i. 235-237
