Ti maeka n te aonnaba ae e iangoaki iai te raoiroi bwa te buakaka ao te buakaka bwa te raoiroi. (It 5:20) E kananokawaki, bwa iai tabeman aika a kakaraoi baika e ribai Iehova, n ikotaki ma te aroaro ae kammaira i marenaia aomata aika titeboo aroia. A kona ni kaririaki ara roro n rikirake mairouia raoia n reirei ao tabeman riki bwa a na kakairi n aroaroia. Kam na kangaa ni katauraoiia natimi bwa a na kona n tokanikai i aoni kataaki aikai?

Kataneiaia natimi n ataakin ana kaetieti Iehova. (NI 18:3) Reireinia teutana imwin teutana ni kaineti ma aia ririki, baika taekinaki n te Baibara ibukin te wene n taanga. (TTK 6:7) Titirakiniko aei: ‘I a tia n reireinia natiu aroia ae riai ni kaotii aia namakin, kakawakini bwainani kunnikai aika taraaraoi, ao te aki roko n tabeia tabemwaang? A ataa te bae a na karaoia natiu ngkana iai ae e kaota nakoia taamnein te bwaitingako ke n tuangia bwa a na karaoa te bae bure i matan Iehova?’ Kaman ataakini baikai irouia, a na buokaki iai n tuki rikini kangaanga nakoia. (TNR 27:12; TM 7:12) Ngkana ko reiakinia natim, ko a kaota iai tangiran tibwangam ae kakawaki mairoun Iehova.​—TA 127:3.

MATAKU N TE TAAMNEI AE KATEA AM AUTI AE E NA TEIMATOA​—KAMANOIA NATIMI MAN “TE BUAKAKA,” AO KAEKAI TITIRAKI AIKAI:

• A aera tabeman ngkai a tabwarabwara n reireinia natiia taekan te wene n taanga?

• Bukin tera ngkai a riai kaaro ni kataneiaia natiia i nanon “ana reirei ni kaetieti ao ana kaungaunga Iehova”?​—Ebt 6:4

• Tera ae katauraoia ana botaki Iehova ni buokiia iai kaaro n reireinia natiia taekan te wene n taanga?​—w19.05 12, bwaoki

• Bukin tera ngkai kam riai ni mamaroro ma natimi imwain rikini kangaanga?