A riai am reirei ni karekeia raoraoia aika raraoi, ngkana a kan riki bwa raoraon Iehova. (TA 15:​1, 4) A na buokaki irouia raoraoia aika raraoi aikai bwa na kakaraoa ae eti.​—TNR 13:20; lff reirei 48.

Bwaina te atataiaomata ngkana ko na buokiia am reirei bwa a na rarawa nakon iraorao aika bubuaka. E bae ni kangaanga irouia kitanaia raoraoia aika kaain te aonnaba. Ngaia are kaotiota tabeakinaia raoi n taai naba ake ko aki reirei iai ma ngaiia. Ko kona ni kanakoa am rongorongo n te tareboon, ko tareboonia, ke ni kawariia. Ngkana a moanna n rikirake am reirei, ko kona ni kaoia bwa a na itamwaomwao ma ana aomata te Atua. Ao a na kona n noria iai bwa e bati riki raoraoia ae a karekei nakon ae a kabuai. (Mrk 10:​29, 30) Ko kona naba ni kimwareirei ngkai e a bubura riki ana utu Iehova.

MATAKU N TE TAAMNEI AE BUOKIIA AM AOMATA BWA A NA RARAWA NAKON IRAORAO AIKA BUBUAKA, AO KAEKAI TITIRAKI AIKAI:

• Baikara iraorao aika bubuaka?​—1Ko 15:33

• Tera ana iango Jade ibukin te bobotaki n taromauri?

• E kangaa Neeta ni buoka Jade bwa e na kaaki raoraona aika bubuaka?