Ti kani kakukureia Iehova ni bwaai nako ake ti karaoi. (TNR 27:11) Ibukin aei, ti riai ni karaoi ara motinnano aika kaota Ana iango, e ngae naba ngkana akea te tua ae okoro ae e na kairira. Tera buokara n aei?

Kateimatoa am kaetieti n am ukeuke n reirei n te Baibara. N taai ake ti wareka iai te Baibara, ai aron ae ti a karekea iai ara tai ma Iehova. Ti kona n reiakina aron Iehova n iaiango, ni kamatebwaia arona nakoia ana aomata, ao n neneri aia katoto naake a karaoi baika raraoi ke baika bubuaka i matana. Ni karaoan ara motinnano, e kauringira te taamnei ae raoiroi n reirei aika kakawaki ao booto n reirei ake ti reiakin n te Baibara.—Io 14:26.

Karaoa Am Kakaae. Ni karaoan am motinnano, titirakiniko: ‘Baikara kiibu ke rongorongo n te Baibara aika buokai n ota n ana namakin Iehova n au motinnano?’ Tataroa buokam mairoun Iehova ao kamanena te bwai ni mwakuri ibukin te kakaae n am taetae. Ko na buokaki iai ni karekei ao ni maiuakin booto n reirei n te Baibara ibukin am kangaanga.—TA 25:4.

MATAKU N TE TAAMNEI AE TI RIAI NI “KANANOMWAAKAIRA NI BIRI”—KANG AMWARAKE AIKA KAMAMARUNG, AO IMWINA KAEKAI TITIRAKI AIKAI:

• Tera te kariri are e aitara ma ngaia te tari te aine ae ataei are n te taamnei?

  Your answer

• Ko na kangaa ni kamanena te bwai ni mwakuri ibukin te kakaae ni kaineti ma buokam n tokanikai i aoni kariri n aron anne?

  Your answer

• Tera kakabwaiaara ni karekean ara tai ni kakaae ao n ukeuke n reirei, ibukini buokara ni karaoi motinnano aika raraoi?—Ebr 5:13, 14

  Your answer