MAIURA NI KRISTIAN
Katauraoiko Ngkai Imwain te Kabuanibwai
E aera bwa ti riai n katauraoira? E kona ni karina n riki te kabuanibwai ao te rin n te onnaoraki. Ngaia are, karaoa am kabanea ni konaa ni katauraoiko ngkai, imwain rikin te kabuanibwai bwa ko aonga ni karekea te ibuobuoki ae moan te tamaroa. Ni karaoan aei, ko a kaotia iai bwa e rangi ni kakawaki iroum te maiu ao ana tua Iehova ni kaineti ma te raraa.—Mwa 15:28, 29.
Tera ae ko kona ni karaoia bwa ko aonga n tauraoi?
-
Tataro ao karaurau ni kanoaa te beeba ae te (DPA). a A kona taan uarongorongo aika a a tia ni bwabetitoaki ni karekea te beeba ae te DPA mairoun te tia tararuai booki ao ai uana naba ma te Identity Card (ic) ibukia natiia aika uarereke
-
Ngkana ko bikoukou, butiia am unimwaane katoton te Information for Expectant Mothers (S-401). Ko na buokaki iai ni karaoa am motinnano ae tamaroa ibukin am bwainnaoraki ae tao e na kainnanoaki n am tai ni bikoukou ao ni bungim
-
Ngkana e kainnanoaki karaoan te mwakuri teuana irouia taani kuakua ae irekereke ma te raraa ke tao karinakim n te onnaoraki, moantaai ni kaongoia unimwaane ao tuangia taani kuakua bwa ko kariaia kawaram iroun Ana Tia Kakoaua Iehova temanna
A na kangaa n ibuobuoki unimwaane? A kona ni buokiko ni kanoaa te beeba ae te DPA. Ma a na aki karaoi motinnano unimwaane ibukin aeka ni bwainnaoraki ake a riai ni bon rinei aomata n tatabemania nako. (Ro 14:12; Kar 6:5) Ngkana ko kaongoia unimwaane n am ekaretia ae iai aorakim ae kona n irekereke ma te raraa, a na boni waekoa n reitaki ma te Komete Ibukin te Reitaki ma te Onnaoraki (HLC) ibukim.
E na kangaa n ibuobuoki te HLC? Taari mwaane ake kaain te komete aei, a a bon tia ni kataneiaaki ibukini buokaia taani kuakua ao botaki aika tabe ma tuan te aba, bwa a na ota n ara koaua ni kaineti ma te raraa. A kona ni maroro ma am taokita i aoni bwainnaoraki riki tabeua n oneani mwain te karinraraa. Ngkana a nora riaina, a kona ni buokiko ni karekea te taokita riki temanna ae kariaia te aki karinraraa.
MATAKU N TE TAAMNEI AE ARORA NI KARAOI ARA MOTINNANO IBUKINI MARURUNGIRA NI KAINETI MA TE RARAA, AO IMWINA KAEKAI TITIRAKI AIKAI:
-
Tera reireiam n te taamnei aei ibukini katauraoam imwain te kabuanibwai ae irekereke ma te raraa?
a E kona n reke buokam n reirei 39 n te boki ae Ko Kona ni Kukurei n Aki Toki! ni karaoan am motinnano aika irekereke ma kamanenaan te raraa.
