Ni kabaneani boong aikai, ti rinanoni kataaki aika kangaanga aika bati. N tabetai, ti kona n namakinna ae ti a aikoa kona n nanomwaaka iai. Ma ngkana ti teimatoa ni kaanira ma Iehova, e na boni buokira n nanomwaaka e ngae naba ngkana e a rangi ni bwara nanora ni kataakira. (It 43:2, 4) Ma ti na kangaa ni kaanira ma Iehova ngkana ti a rinanoni kataaki?

Tataro. Ni bunran nanora nakon Iehova, e na anganira te raunnano ao te korakora bwa ti aonga n nanomwaaka.—Brb 4:6, 7; 1Te 5:17.

Bobotaki. Ti a kainnanoi riki ngkai amwarake n taamnei ao bobotaki ake e katauraoi Iehova n ara taromauri. (Ebr 10:24, 25) Ngkana ti katauraoi ibukin ara taromauri n te ekaretia, ti kaea, ao n anga ara kaeka iai, ti a boni kakabwaiaaki raoi man ana ibuobuoki taamnein Iehova.—Kao 2:29.

Mwakuri ni Minita. Ti na noria bwa e a bebete riki kaatuuan ara iango i aoni baika kaungaunga, ngkana ti teimatoa ni katabetabeira n te mwakuri ni minita. E na boni kateimatoaaki naba ara iraorao ma Iehova ao raora ni mwakuri.—1Ko 3:5-10.

MATAKU N TE TAAMNEI AE E NA BUTIMWAEINGKAMI IEHOVA, AO IMWINA KAEKAI TITIRAKI AIKAI:

• Tera ae buoka Malu ni kaania ma Iehova ngke e kataaki?

  Your answer

• N aroni Malu, ti na kangaa ni karekea kabebeteara man Taian Areru 34:18 ngkana ti kataaki?

  Your answer

• E kangaa ni kaotaki n rongorongoni Malu ae e anganira Iehova te “korakora ae riaoni korakoraia aomata,” ngkana ti kataaki?—2Ko 4:7

  Your answer