Beberuare 26–Maati 3
TAIAN ARERU 11-15
Anene 139 ao Tataro | Taeka ni Kaukuki (1 min.)
1. Kataamneia ae Ko a Mena n Ana Aonnaba ae Boou te Atua ae Rau
(10 min.)
Ti a nora ngkai te iowawa mani mangaongaoia te natannaomata ibukin uruakan tuua irouia (TA 11:2, 3; w06 1/6 18 ¶3)
Ti kona n onimakina ae e na waekoa Iehova ni katoka te iowawa (TA 11:5; wp16.4 11)
Iaiangoan ana berita Iehova ibukin te kakamaiu, e kona ni buokira bwa ti na taningaa kamaiuara ma te taotaonakinnano (TA 13:5, 6; w17.08 6 ¶15)
KATAA AEI: Wareka Etekiera 34:25, ao karekea am tai ni kataamneia ae ko a mena n te tabo ae rau ae kabwarabwaraaki ikai.—kr 236 ¶16.
2. Kaubwai n Taamnei Aika Kakawaki
(10 min.)
-
TA 14:1—E kangaa te kibu aei ni kaota te bae karuanikai nakoia naba Kristian? (w13 15/9 19-20 ¶12)
-
Baikara kaubwai n taamnei n te wareware n te Baibara n te wiki aei ae ko kan tibwai?
3. Wareware n te Baibara
(4 min.) TA 13:1–14:7 (th reirei 2)
4. Moanakin te Maroro
(2 min.) TE UARONGORONGO N TE TAI AE AKI BAIREAKI. Kaoa te aomata nakon te Kauring. (lmd reirei 5 nambwa 3)
5. Moanakin te Maroro
(1 min.) TE AUTI TEUANA MA TEUANA. Kaoa te aomata nakon te Kauring. (lmd reirei 3 nambwa 4)
6. Moanakin te Maroro
(3 min.) TE AUTI TEUANA MA TEUANA. E kaota mutiakinan te beeba ni kakao ibukin te Kauring te aomata. (lmd reirei 7 nambwa 4)
7. Karekeia Taan Rimwini Kristo
(5 min.) lff reirei 13 kakimototoana, kauring, ao kataia. Kabongana te kaongora are ni kanoan te bwaoki ae “Nori Naba Aikai” ni buoka iai am aomata bwa e na ota n ana iango te Atua ni kaineti ma te Aro ae kewe. (th reirei 12)
Anene 8
8. “E Raoiroi Riki te Wanawana Nakoni Bwaai ni Buaka”
(10 min.) Te maroro.
E a rikirake te mwakuri n iowawa ni kabutaa te aonnaba. E ataia Iehova ae ti kona n rangi n tabeaianga n te iowawa ae ti noria ao ae ti rinanona. E ota naba n te bae ti kainnanoia ibukini kamanoara. Te anga teuana ae E kamanoira iai bon rinanon ana Taeka ae te Baibara.—TA 12:5-7.
Iai n te Baibara te wanawana ae ‘raoiroi riki nakoni bwaai ni buaka.’ (TM 9:18) Iangoia bwa a na kangaa booto n reirei man te Baibara aikai ni buokira ni kamanoira man te iowawa.
-
TM 4:9, 10—Tai titiku n tii ngkoe n taabo aika aki mano
-
TNR 22:3—Tataraa raoi te bwai ae riki ni menam i buakoia aomata
-
TNR 26:17—Tai kareketaatiko ni kauntaeka aika akea irekerekem iai
-
TNR 17:14—Kitana te tabo are e nang moanna n reke iai te mangao. Ao kararoaia te koraki aika a na mwaati ni kaotinano
-
Rk 12:15—Tai karuanikaia maium tii ibukini kawakinan am bwai
Kaota te TAAMNEI ae Kakairi Irouia Aika Kakaonimaki ao Tiaki Aika Aki Kakaonimaki—Enoka, Tiaki Rameka. Ao imwina titiraki ni kangai:
E kangaa ana katoto Enoka n rota ana motinnano te karo aei ao arona ngkana e a kaaitara ma te iowawa?—Ebr 11:5
N taabo tabeua ao e kona n iangoia te Kristian bwa e riai ni karaoi aanga tabeua aika riai ibukini kamanoana ke ana bwai. Ngkana e riki anne, e na kabanea ana konaa n aki anaa maiun te aomata ao ni katuturaraa. —TA 51:14; nora “Titiraki Mairouia Taani Wareware” n te kaongora n Te Taua-n-Tantani ae bwain Turai 2017.
9. E na Moanaki te Mwakuri ae Okoro Ibukin te Kauring n te Kaonobong, Maati 2
(5 min.) Te maroro mairoun te unimwaane. Taekini babaire ibukin te mwakuri ae okoro aei, te kabwarabwara ae okoro, ao te Kauring. Kauringia taan uarongorongo bwa a kona ni baireia bwa a na karaoa te bwaiania ae aki katoatai ibukin 15 te aoa, n namwakaina aika Maati ao Eberi.
10. Te Reirei n te Baibara n te Ekaretia
(30 min.) lvs mwa. 7 ¶1-9 ao kabwarabwaraana 19, 20
