Tianuare 6-12
TAIAN ARERU 127-134
Anene 134 ao Tataro | Taeka ni Kaukuki (1 min.)
1. Kaaro—Teimatoa n Tabeakinia Natimi Aika Tibwanga Aika Rangi ni Kakawaki
(10 min.)
A kona kaaro n onimakina ana ibuobuoki Iehova ibukin tabeakinani kainnanoia aia utu (TA 127:1, 2)
Ataei bon ana bwaintangira Iehova aika rangi ni kakawaki (TA 127:3; w21.08 5 ¶9)
Reireinia ni kataneiaia ataei ni baike a kainnanoi n tatabemania nako (TA 127:4; w19.12 26-27 ¶20)
E rangi ni kukurei Iehova ngkana a onimakinna kaaro ao a karaoa aia kabanea n tamaroa n tabeakinia natiia
2. Kaubwai n Taamnei Aika Kakawaki
(10 min.)
-
TA 131:1, 2—Tera reireiaia kaaro mani kiibu aikai? (w21.07 21-22 ¶6)
-
Baikara kaubwai n taamnei n te wareware n te Baibara n te wiki aei ae ko kan taekin?
3. Wareware n te Baibara
(4 min.) TA 132:1-18 (th reirei 2)
4. Moanakin te Maroro
(3 min.) TE UARONGORONGO N TE TAI AE AKI BAIREAKI. (lmd reirei 1 nambwa 3)
5. Moanakin te Maroro
(4 min.) TE UARONGORONGO N TE TAI AE AKI BAIREAKI. E taekina te aomata ana koaua ae bobuaka ma ana reirei te Baibara. (lmd reirei 5 nambwa 4)
6. Karekeia Taan Rimwini Kristo
(5 min.) lff reirei 16 nambwa 4-5. Maroro ma am reirei ibukin ami babaire n ana reirei n te Baibara ngkana ko a nako n te tabo teuana. (lmd reirei 10 nambwa 4)
Anene 13
7. Kaaro—Kam Kamanena te Bwai ni Mwakuri Ibukin te Angareirei ae Uaana Aei?
(15 min.) Te maroro.
E a tia ana botaki Iehova ni katauraoi baika rangi ni bati ibukini buokaia kaaro bwa a na reireinia natiia taekan Iehova. Ma e ngae n anne, te bwai ni mwakuri ae moan te uaana riki, bon aia banna ni katoto ae raoiroi kaaro.—TTK 6:5-9.
E kamanena te bwai ni mwakuri aei Iesu n reireinia iai taan rimwina.
Wareka Ioane 13:13-15. Imwina titiraki ni kangai:
-
Bukin tera ngkai ko iangoia bwa e uaana ana bwai ni mwakuri Iesu ae ana banna ni katoto?
Ngkai te karo ngkoe, e kona aroarom ni boutokaa te reirei are ko angania natim. E riki naba am banna ni katoto ae raoiroi bwa te bwai ae e na kaungaia natim bwa a na karinea am taeka n reirei ao a na kan ongeaba iai.
Kaota te TAAMNEI ae Reiakinaia Natira Man Ara Katoto. Imwina titiraki ni kangai:
-
Baikara reirei aika kakawaki ake a reireinia iai natiia aine Brother ao Sister Garcia?
-
E kangaa te taamnei aei ni kaungako bwa ko na teimatoa ni katea te katoto ae raoiroi nakoia natim?
8. Te Reirei n te Baibara n te Ekaretia
(30 min.) w20.02 9-13 ¶8-16
