Beberuare 24–Maati 2
TAEKA N RABAKAU 2
Anene 35 ao Tataro | Taeka ni Kaukuki (1 min.)
1. E Aera Ngkai Ko Riai n Ingainga ni Karaoan Am Ukeuke n Reirei?
(10 min.)
Ko kaotia iai ae e rangi ni kakawaki te koaua iroum (TNR 2:3, 4; w22.08 18 ¶16)
Ko buokaki iai ni karaoi motinnano aika raraoi (TNR 2:5-7; w22.10 19 ¶3-4)
E kakorakoraaki iai am onimaki (TNR 2:11, 12; w16.09 23 ¶2-3)
TITIRAKINIKO AEI, ‘N na kangaa ni kanakoraoa riki au kaetieti ni karaoan au ukeuke n reirei?’
2. Kaubwai n Taamnei Aika Kakawaki
(10 min.)
-
TNR 2:7—E aera ngkai ko riai n teimatoa n reiakina taekan Iehova? (bhs mwa. 19 ¶10)
-
Baikara kaubwai n taamnei n te wareware n te Baibara n te wiki aei ae ko kan taekin?
3. Wareware n te Baibara
(4 min.) TNR 2:1-22 (th reirei 12)
4. Moanakin te Maroro
(4 min.) TE AUTI TEUANA MA TEUANA. Reireina te aomata arona ni kakaaei rongorongo i aon te jw.org, aika ibuobuoki ibukia taanga ni mare. (lmd reirei 1 nambwa 3)
5. Te Manga Oki
(3 min.) TE UARONGORONGO N TE TAI AE AKI BAIREAKI. Aanga te maekatin ma te kaongora iai are e kan ongoraeia te aomata n ami maroro n ae nako. (lmd reirei 9 nambwa 3)
6. Te Kabwarabwara
(5 min.) lmd bukinibaa A nambwa 8—Te Boto n Iango: A Riai Taanga ni Kakaonimaki ni Koaua i Marenaia. (th reirei 13)
Anene 96
7. Te Tia Kakaaea te Kaubwai ae Karabaaki Ngkoe?
(15 min.) Te maroro.
Ataei, kam kani kakakaaea te kaubwai ae karabaaki? Ngkana eng, ao e kaoko te Baibara bwa ko na kakaaea te kaubwai ae moan te kakawaki riki ae ataakin te Atua! (TNR 2:4, 5) E na reke iroum te kaubwai aei ngkana ko wawareka te Baibara ni katoatai, ao ngkana ko kakaraoa raoi am kakaae i aoni baike ko wareki. E na rangi ni kaunga ao n rangi n ibuobuoki karaoan anne!
-
Baikara baika ko na titirakiniko iai n am tai ni wareware n te Baibara? (w24.02 32 ¶2-3)
-
Baikara bwaai ni mwakuri aika ko kona ni kamanenai ni kakaaei iai kaekaan am titiraki?
Te taamnei ae rereitaki ae Reireiara Mairouia Raoraon Iehova, e na buokiko n reireiniko arom ni kananoa am iango i aon te baere ko warekia n te Baibara.
Kaota te TAAMNEI ae Reireiara Mairouia Raoraon Iehova—Abera.
Wareka Karikani Bwaai 4:2-4 ao Ebera 11:4. Imwina titiraki ni kangai:
-
E kangaa Abera ni kaotia bwa boni ngaia raoraon Iehova?
-
E kangaa Abera ni karikirakea onimakinan Iehova?
-
Ko na kangaa ni karikirakea am onimaki?
8. Te Reirei n te Baibara n te Ekaretia
(30 min.) w20.03 8-9 ¶1-8
