“Te Kaotioti ae te Kaikonaki” ae Iai Irekerekena ma Ngaira
E kamanena Bauro te “kaotioti ae te kaikonaki” aei ni kamataataa iai rianakon riki te berita ae boou nakon te berita n Tua. I aan ana kairiri ma te tangira Kristo ao raona n tautaeka, a na bane aomata ni karekea te kantaninga ae kainaomataaia man te bure, te aki kororaoi, te nanokawaki, ao te mate.—It 25:8, 9.
AKA—TE TORO TE AINE Te natannaomata ae Iteraera ae mena i aan te berita n Tua, ma kautuni kaawana ae Ierutarem |
TARA—TE ANE AE INAOMATA Ierutarem are i eta ae ana botaki te Atua i karawa |
“NATIN” AKA Aomata aika I-Iutaia ake (a kabaeaki iroun Iehova rinanon te berita n Tua) a bwainikirina Iesu ao n ribaia |
“NATIN” TARA Kristo ao Kristian aika 144,000 ake a kabiraki |
TORONAKI N TE BERITA N TUA A kauringaki te natannaomata ae Iteraera n te Tua bwa a toronaki n te bure |
TE BERITA AE BOOU E KAREKEA TE INAOMATA Onimakinani kakawakin ana karea Kristo e karekea te inaomata man te kabuakakaaki n te Tua |